تورکیا: هێزەکانمان لە ئیدلیب ناکشێنینەوە

- 5/22/2019 5:08:00 PM 1640 جار خوێندراوەتەوە

خەندان-
وەزیری بەرگری تورکیا رایگەیاند هێزەکانیان لە خاڵی چاودێری ئیدلیبی سوریا ناکشێننەوە.
بەپێی هەواڵێکی روسیا تودەى، ئەمڕۆ چوارشەممە هلوسی ئاکار وەزیری بەرگری تورکیا رایگەیاند سەرەڕای هێرشەکانی حکومەتی سوریا بۆ ناوچەکانی نزیک خاڵی چاودێری هێزەکانیان لەئیدلیب، بەڵام بەهیچ جۆرێک هێزەکانیان لەو ناوچەیە ناکشێننەوە.

ناوچەی خاڵی چاودێری تورکیا لە ئیدلیب یەکێکە لەو 12 خاڵی چاودێرییەی کە مانگی ئایاری رابردو بەرێکەوتنێک لەنێوان هەریەک لەروسیا و تورکیا و ئێران جێگیرکراون.
هێزەکانیان لەهیچ شوێنێکی جێگرکراو ناکشێنەوە

ئاکار جەختیشی لەسەر ئەوە کردۆتەوە هێزەکانیان لەهیچ شوێنێکی جێگرکراو ناکشێنەوە.
 
لەماوەی ساڵی رابردودا ناوچەی ئیدلیب لەلایەن هێزەکانی روسیا و تورکیاوە پارێزراوە، بەڵام لەماوەی چەند مانگی رابردودا ئەو ناوچەیە زۆرترین جار کراوەتە ئامانج.

نیشانەکردن :

#تورکیا

Copyright © 2016 Xendan.org all rights reserved

designed and developed by AVESTA GROUP