"لایەنی پەیوەندیداران ڕاسپاردوە كاری خۆیان بكەن"
كۆسرەت ڕەسول پشتیوانی بۆجوتیارانی ناحیەی سەرگەڕان دەردەبڕێت

- 5/21/2019 4:50:00 PM 3867 جار خوێندراوەتەوە

خەندان-

كۆسرەت ڕەسول عەلی جێگری سكرتێری گشتی یەكێتی نیشتمانی كوردستان رایدەگەیەنێت، ڕێگە نادەین دەست بەسەر ماڵوموڵكی جوتیاراندا بگیرێت و دەشڵێت"لایەنی پەیوەندیدارمان ڕاسپاردوە بە وردی ئاگاداربن و كاری خۆیان بكەن".

بەپێی راگەیەندراوێكی نوسینگەی جێگری سكرتێری گشتی یەكێتی كە وێنەیەكی گەیشتۆتە خەندان، سەرلەبەیانی ئەمڕۆ سێشەممە لەشاری سلێمانی، كۆسرەت ڕەسوڵ عەلی پێشوازیكرد لەژمارەیەكی زۆر جوتیارانی كەندێناوەو ناحیەی سەرگەڕان.
كۆسرەت ڕەسول عەلی هەمو جۆرە پاڵپشتی و پشتیوانییەكی خۆی بۆ جوتیاران دەربڕی

 

لەدیدارەكەدا بەوردی باس لەكێشەی جوتیارانی ناحیەی سەرگەڕان و سەرجەم ناوچە كوردستانییە كێشە لەسەرەكان كراو گفتوگۆیان لەبارەوەكرا.

كۆسرەت ڕەسول عەلی هەمو جۆرە پاڵپشتی و پشتیوانییەكی خۆی بۆ جوتیاران دەربڕی و ڕایگەیاند، كە بەهەمو شێوەیەك پشتیوانی لەجوتیارانی كورد دەكەن. ڕێگە نادەن دەست بەسەر ماڵوموڵكیاندا بگیرێ و، وتی كە لایەنی پەیوەندیداریان ڕاسپاردوە بە وردی ئاگاداربن و كاری خۆیان بكەن.

جێگری سكرتێری گشتی وتیشی"وەك هەمیشە لەگەڵ پێكەوە ژیانی نێوان ئایین و نەتەوە جیاوازەكانین و دەمانەوێت هەمومان بەبێ جیاوازی پێكەوە لەسەر ئەو خاكە بژین".

لای خۆیانەوە جوتیارانی كورد سوپاسی كۆسرەت ڕەسول عەل-یان كردو ڕایانگەیاند كەدەیانەوێت لەسەر زەوی خۆیان كاری جوتیاری خۆیان بكەن.



Copyright © 2016 Xendan.org all rights reserved

designed and developed by AVESTA GROUP