پۆلیسی سلێمانی دەستی بەسەر 300 ئامێری قۆپییەکردندا گرت

- 5/20/2019 4:30:00 PM 4536 جار خوێندراوەتەوە

خەندان-

پۆلیسی سلێمانی دەستی بەسەر زیاتر لە 300 ئامێردا گرت، کە دو هاوڵاتی بەنیاز بون بۆ گزیکردن لە تاقیکردنەوەکانی پۆلی 12ی ئامادەیی بەکاریبهێنن.

نەقیب سەرکەوت ئەحمەد، وتەبێژی پۆلیسی سلێمانی، لە کۆنگرەیەکی رۆژنامەوانیدا رایگەیاند: " هێزەکانیان توانیویانە دو تۆمەتبار دەستگیر بکەن کە زیاتر لە 300 پارچە ئامێریان پێبوە، ویستویانە بۆ تاقیکردنەوەکانی پۆلی 12ی ئامادەیی بەکاریبهێنن و لە رێگەیەوە قۆپی پێ ئەنجام بدەن، ئامێرەکانیش زۆر بچوک بون و هاوشێوەی قۆپچە بەکراسەوە دوراون، ژمارەیەک ئامێریشیان بە 200 بۆ 250 دۆلار فرۆشتوە".

وتەبێژی پۆلیسی سلێمانی، وتیشی: "دو تۆمەتباری دیکە بە ماددەی هۆشبەر دەستگیرکراون و هەروەها دو گازینۆشیان داخستوە کە لە مانگی رەمەزان قوماریان تێدا کراوە لەگەڵ ئەوەشدا سێ کەس بە تۆمەتی هەڵگرتنی چەکی بێ مۆڵەت دەستگیرکراون".

سەرکەوت ئەحمەد زانیاری زیاتری بۆ رۆژنامەنوسان ئاشکراکرد و رایگەیاند  48 تۆمەتباری دیکەیان دەستگیرکردوە کە زیادەڕۆییان کردوەتە سەر موڵکی گشتی، لە گەڕەکی راپەڕین و لە سنوری باخەکانی راپەڕین، خانویان لەسەر موڵکی گشتی و شارەوانی دروستکردوە".

نیشانەکردن :

#پۆليس

Copyright © 2016 Xendan.org all rights reserved

designed and developed by AVESTA GROUP