بەپەلە

قوباد تاڵەبانی پەیامێكی لە یادی كۆچی دوایی رەوانشاد نەوشیروان مستەفا بڵاوكردەوە

- 5/19/2019 8:06:00 PM 3321 جار خوێندراوەتەوە

خەندان-قوباد تاڵەبانی، جێگری سەرۆكی حكومەتی هەرێم لەیادی كۆچی دوایی رەوانشاند نەوشیروان مستەفا دەڵێت،"کەم سەرکردە و سیاسی وامان هەبوە وەک کاک نەوشیروان خاکی بێت، سادە و بێ تەماح بێت".
بەو پێیەی كۆچكردو سیمبولێكی شۆڕشی نوێی گەلەكەمانە، ژیانئاواییەكەی دڵی زۆربەی هەرە زۆری كوردی لە هەمو جێگایەكی دنیا داخورپاند

 

قوباد تاڵەبانی نوسیویەتی،" ‏‎دوو ساڵ لەمەوبەر، گەلی کورد یەکێک لە سەرکردە دیارەکانی خەباتی خۆی لەدەست دا، كە کاک نەوشیروان بو. بەو پێیەی كۆچكردو سیمبولێكی شۆڕشی نوێی گەلەكەمانە، ژیانئاواییەكەی دڵی زۆربەی هەرە زۆری كوردی لە هەمو جێگایەكی دنیا داخورپاند". 

هەمو ژیانی بۆ خەبات لە پێناو کورد و کوردستاندا تەرخانکرد، هەربۆیە دۆستەکانی خۆشیان دەویست و نەیارەکانیشی رێزیان لێ دەگرت

 

جێگری سەرۆكی حكومەتی هەرێم راشیگەیاندوە،"كاك نەوشیروان هەمو ژیانی بۆ خەبات لە پێناو کورد و کوردستاندا تەرخانکرد، هەربۆیە دۆستەکانی خۆشیان دەویست و نەیارەکانیشی رێزیان لێ دەگرت".

بە درێژایی مێژوی سیاسیمان، کەم سەرکردە و سیاسی وامان هەبوە وەک کاک نەوشیروان خاکی بێت، سادە و بێ تەماح بێت، هاوکات خوێندەوار و ڕۆشنبیریش بێت

 

لەبەشێكی دیكەی پەیامەكەیدا قوباد تاڵەبانی رایگەیاندوە،"‏‎بە درێژایی مێژوی سیاسیمان، کەم سەرکردە و سیاسی وامان هەبوە وەک کاک نەوشیروان خاکی بێت، سادە و بێ تەماح بێت، هاوکات خوێندەوار و ڕۆشنبیریش بێت".

‎هەم لە بوارە مەیدانییەکەی سیاسەتدا کەسێکی دیاربو، هەم لە بوارە تیۆرییەکەیشدا لێهاتو و زانا بو

 

سەبارەت بە رۆڵی نەوشیران مستەفا نوسیویەتی،"‎هەم لە بوارە مەیدانییەکەی سیاسەتدا کەسێکی دیاربو، هەم لە بوارە تیۆرییەکەیشدا لێهاتو و زانا بو. هەر لەبەر ئەمەشە لەسەرەتای ژیانی سیاسی و پێشمەرگایەتییەوە تا ئەو ڕۆژەی کۆچی دوایی کرد، لە بەشێکی زۆری دەستکەوتە سیاسی و گۆرانکارییە گەورەکاندا بەشداری بەرچاوی هەبوە".

کاک نەوشیروان بە ڕاستی بەتەنگ دۆزی گەلەکەیەوە بو، بەردەوام هەوڵی داوە ژیانی خەڵک باشتر بێت و بەم هۆیەشەوە ڕێز و خۆشەویستی خەڵکی کوردستانی بەدەستهێنا

 

قوباد تاڵەبانی لە بەشێكی دیكەی پەیامەكەیدا بەم شێوەیە باسی رەوانشاد نەوشیروان مستەفای كردوە، "کاک نەوشیروان بە ڕاستی بەتەنگ دۆزی گەلەکەیەوە بو، بەردەوام هەوڵی داوە ژیانی خەڵک باشتر بێت و بەم هۆیەشەوە ڕێز و خۆشەویستی خەڵکی کوردستانی بەدەستهێنا". 

یەکێک بو لە نزیکترین هاوڕێکانی مام و چواردەیە لە خۆشی و ناخۆشیدا پێكەوە بون

 

كوڕە بچوكەی مامجەلال تاڵەبانی لەدرێژەی پەیامەكەیدا نوسیویەتی،‏‎"کاکە نەوە" یەکێک بو لە نزیکترین هاوڕێکانی مام و چواردەیە لە خۆشی و ناخۆشیدا پێكەوە بون. ئەم دو هاوڕێیە دو عەقڵی گەورەی سیاسیی کوردستان و ناوچەکە بون، مێژو و دەستکەوتە مەزنەکانیان، خۆشەویستی جەماوەر بۆیان، ئەو ڕاستییەمان بۆ دەسەلمێنێت، کە هەتا کورد بمێنێت ئەم دو هاوڕێ و هاوخەباتە لەبیر ناکات".

مامجەلال و كاك نەوشیروان تاکو ئەو ڕۆژەی جێیانھێشتین، هەر هاوڕێ و خۆشەویستی یەکتر بون

 

قوباد تاڵەبانی دەشڵێت،"ئەوەی بەلای منەوە زۆر گرنگە ئەوەیە کاتێک لە جێیەکدا جیاوازییەک لە تێڕوانینی ئەم دو سەرکردەیەشدا دروست بوبێت، لە کۆتاییدا کاری نەکردۆتە سەر هاوڕێیەتییەکەیان و وەفایان بۆ یەکتری لە دەستنەدا. بۆیە تاکو ئەو ڕۆژەی جێیانھێشتین، هەر هاوڕێ و خۆشەویستی یەکتر بون".

یەکێکە لەو سەرکردە سیاسییانەی کە هەرگیز نامرێت و هەرگیز لەبیر ناکرێت

 

لە كۆتایشدا رایگەیاندوە،"‏‎بە دڵنیاییەوە کاک نەوشیروان یەکێکە لەو سەرکردە سیاسییانەی کە هەرگیز نامرێت و هەرگیز لەبیر ناکرێت"٠



Copyright © 2016 Xendan.org all rights reserved

designed and developed by AVESTA GROUP