بەپەلە

سعودیە: ناخوازین شەڕ لەناوچەکە روبدات، تۆپەکەش لەیاریگای ئێراندایە

- 5/19/2019 1:39:00 PM 1907 جار خوێندراوەتەوە

خەندان-
وەزیری دەرەوەی سعودیە رایگەیاند ئەوان ناخوازن هیچ جەنگێک لەناوچەکە روبدات، بەڵام ئامادەن بۆ بەرپەرچدانەوەی هەر هێرشێک، وتیشی " ئێستا تۆپەکە لەیاریگای کۆماری ئیسلامی ئێراندایە" 

بەپێی هەواڵێکی ئاژانسی رۆیتەرز، ئەمڕۆ یەک شەممە عادل ئەل جوبێر وەزیری دەرەوەی سعودیە لەکۆنگرەیەکی رۆژنامەنوسیدا رایگەیاند ئەوان ناخوازن هیچ جەنگێک لەناوچەکە روبدات، بەڵام ئەگەر بەرامبەر بیەوێت جەنگێک هەڵبگیرسێنێت ئەوان ئامادەن بۆ بەرپەرچدانەوەی.

 وتیشی " ئێستا تۆپەکە لەیاریگای کۆماری ئیسلامی ئێراندایە و ئەو دەتوانێت بڕیاری چارەنوسی ناوچەکە بدات."

 لەماوەی دو رۆژی رابردودا لەڕێگەی فڕۆکەی بێ فڕۆکەوانەوە هێرشکرایە سەر دو وێستگەی نەوتی سعودیە و بەو هۆیەشەوە سعودیە پەنجەی تۆمەتی بۆ کۆماری ئیسلامی ئێران درێژکرد.

ئەل جوبێر ئەوەشی راگەیاند هەمو هەوڵێک دەدەن بۆ رێگریکردن لەم جەنگە، بەڵام ئەوە بەهاوکاری هەمو لایەک دەبێت.


Copyright © 2016 Xendan.org all rights reserved

designed and developed by AVESTA GROUP