ئەردۆغان: فڕۆکەی F-35 وەردەگرین، ئینشائەڵڵا S-400 یش دەھێنینە وڵاتەکەمان

- 5/19/2019 9:47:00 AM 3021 جار خوێندراوەتەوە

خەندان-

رەجەب تەیب ئەردۆغان، سەرۆک کۆماری تورکیا رایگەیاند، زوو یان درەنگ، فڕۆکەی F-35 وەردەگرن، "ئینشائەڵڵا S-400 یش دەھێنینە وڵاتەکەمان".

رەجەب تەیب ئەردۆغان، سەرۆک کۆماری تورکیا لە ھۆڵی مۆیدەی کۆشکی دۆڵمەباخچە لە شاری ئیستانبوڵ لە خوانی بەربانگ لەگەڵ گەنجانی وڵاتەکەی کۆبوەوە و لە وتارێکدا رایگەیاند، "زو یان درەنگ، فڕۆکەی F-35 وەردەگرین، ئینشائەڵڵا S-400 یش دەھێنینە وڵاتەکەمان". 
پاشگەزبونەوە لە پرسی کڕینی سیستمی بەرگری S-400 ھەرگیز جێگەی باس نییە

 

ئاماژەی بەوەشکرد، "پاشگەزبونەوە لە پرسی کڕینی سیستمی بەرگری S-400 ھەرگیز جێگەی باس نییە، ئەمە کارە کۆتاییھاتوە". 

پرسی کڕینی سیستمی موشەکی بەرگری ئاسمانی S-400 لە روسیا لەلایەن تورکیاوە کێشەیەکی گەورەی لە نێوان ئەندامانی رێکخراوی ناتۆ دروستکردوە، ئەمریکا دەیەوێت رێگری لەو هەنگاوەی تورکیا بکات و هەڕەشەی سەپاندنی سزای بەسەر تورکیادا کردوە و پێشی راگەیاندوە کە چیتر کەلوپەلی فڕۆکەی F-35ی پێنافرۆشێت.
تورکیاش پێیوایە کڕینی سیستمی موشەکی S-400 لە روسیا پێچەوانە نیە لەگەڵ بنەماکانی رێکخراوی ناتۆ

 

تورکیاش پێیوایە کڕینی سیستمی موشەکی S-400 لە روسیا پێچەوانە نیە لەگەڵ بنەماکانی رێکخراوی ناتۆ و بەردەوام دەبن لەسەری، هاوکات پێداگیریش دەکات لە کڕینی فڕۆکەی F-35ی لە ئەمریکا.
ئەمریکا داوای لە تورکیا کردبو دەست لە کڕینی سیستەمی موشەکی بەرگری ئاسمانی S-400ی روسی هەڵبگرێت

 

ئەوەش لەکاتێکدایە پێشتر ویلایەتە یەکگرتووەکانى ئەمریکا داوای لە تورکیا کردبو دەست لە کڕینی سیستەمی موشەکی بەرگری ئاسمانی S-400ی روسی هەڵبگرێت، لە بەرامبەردا بە بەهای سێ ملیار و 500 ملیۆن دۆلار موشەکی پاتریۆتى پێدەفرۆشێت. 

نیشانەکردن :

#تورکیا

Copyright © 2016 Xendan.org all rights reserved

designed and developed by AVESTA GROUP