بەپەلە

دو ساڵ بەسەر کۆچی دوایی نەوشیروان مستەفا تێدەپەڕێت

- 5/18/2019 5:09:00 PM 2805 جار خوێندراوەتەوە

خەندان-

سبەی دو ساڵ بەسەر کۆچی دوایی نەوشیروان مستەفا تێدەپەڕێت و لەو یادەدا چەندین چالاکی جۆراوجۆر بەڕێوەدەچێت.

شەماڵ عەبدولوەفا، ئەندامی لیژنەی پاراستنی ئەرشیفی نەوشیروان مستەفا بە خەندان-ی راگەیاند، " سبەی یەکشەممە کاتژمێر 7:00 لەسەر ئارامگای نەوشیروان مستەفا کۆمەڵێک چالاکی جۆراوجۆر بەڕێوەدەچێت و یادەکەش یادی خەڵکە و هیچ لایەنێک بانگهێشت نەکراوە".

ئاماژەی بەوەشکرد، "یادەکە یادێکی کۆمەڵایەتییە و حزبی نییە و هیچ کەسێک بانگهێشت نەکراوە، مەنەسە و وتار خوێندنەوەی تێدا نییە، تەنها خەڵک بەشدار دەبێت و لەگەڵ ئەوەشدا هەندێک چالاکی میدیایی نمایش دەکرێت و سەردانی ئارامگەکەی دەکرێت".

نەوشیروان مستەفا كاتژمێر 8:00ی بەیانی 19-5-2017 دوای ململانێیەكی زۆر لەگەڵ نەخۆشی لە ماڵەكەی خۆیدا لە سلێمانی كۆچی دوایی كرد، رۆژی دواتریش لە 20-5-2017 لەسەر وەسیەتی‌ خۆی‌ لە گردی‌ زەرگەتەی‌ سلێمانی‌ بەخاك سپێردرا.


Copyright © 2016 Xendan.org all rights reserved

designed and developed by AVESTA GROUP