بە ڤیدیۆ: چەند گۆرێللایەك خۆیان لە باران دەپارێزن

- 5/16/2019 5:30:00 PM 11477 جار خوێندراوەتەوە

لە گرتە ڤیدیۆیەكدا كە ژمارەیەكی زۆر بینەری لە جیهاندا هەیە، ژماریەك گۆرێللا لە باخچەیەكی ئاژەڵان خۆیان لە بارانێكی بەخوڕ دەپارێزن.

گرتە ڤیدیۆكە لە باخچەی ئاژەڵانی ریڤەربانكس لە كارۆلاینا  لەلایەن كارمەندێكی باخچەكەوە تۆماركراوە و تێیدا دەردەكەوێت چوار گۆرێللا لەگەڵ دو بێچودا لە سوچێكی باخچەكەدا خۆیان لە تەڕبون دەپارێزن.

كارمەندێكی باخچەی ئاژەڵان دەڵێت "گۆرێللاكان هەمیشە ئاژەڵێكی جوان و ئەفسوناوین، تەنها كاتێك باران دەبارێت رویان گرژە و بێزارن".

ئاماژە بەوەشدەكات "گۆرێللاكان لە بەشێك لە هەڵسوكەوتیاندا هاوشێوەی مرۆڤ مامەڵە دەكەن، بۆ نمونە لویس، گۆرێللایەكە كە پێی خۆش نیە دەستی خۆڵاوی بێت و بەو هۆیەوە هاوشێوەی مرۆڤ لەسەر پێیەكانی دەڕوات".

 

 



Copyright © 2016 Xendan.org all rights reserved

designed and developed by AVESTA GROUP