سزای گۆشەگیری سەر عەبدوڵا ئۆجەلان هەڵگیرا

- 5/16/2019 4:02:00 PM 31524 جار خوێندراوەتەوە

خەندان-

عەبدولحەمید گول، وەزیری دادی تورکیا رایگەیاند، بڕیاری یاساغکردنی عەبدوڵا ئۆجەلان لەگەڵ پارێزەرەکانیدا هەڵگیراوە.

عەبدولحەمید گول، وەزیری دادی تورکیا رایگەیاند، بڕیاری گۆشەگیری سەر عەبدوڵا ئۆجەلان، رێبەری پارتی کرێکارانی کوردستان (پەکەکە) لەگەڵ پارێزەرەکانی هەڵگیراوە.

یاساكە گۆڕانكاری تێداكراوە

ئەمڕۆ پێنجشەممە، وەزیری دادی توركیا لەمیانی لێدوانێكی رۆژنامەوانیدا رایگەیاند "یاسای چاوپێكەوتنی ئۆجەلان لەگەڵ پارێزەرەكانی گۆڕانكاری تێداكراوە و لە ئێستادا بڕیاری گۆشەگیریەكە هەڵگیراوە".

شێوازی چاوپێكەوتنەكان سنورداركراوە


ئاماژەی بەوەشكرد "سەڕەڕای ئەوەی بڕیارەكە هەڵگیراوە، بەڵام سنور و چوارچێوەی چاوپێكەوتنەكان بە شێوەیەكی ورد لە لایەن یاساوە رێكخراوە".

حکومەتی تورکیا لە 27ی تەموزی ساڵی 2011ەوە رێگەیان بە پارێزەرەکانی ئۆجەلان نەداوە سەردانی دورگەی ئیمراڵی بکەن، تا پێش ئەو بڕیارەی وەزیری داد-ی توركیاش زیاتر لە 789 جار، داواکاری بینینی ئۆجەلان رەتکراوەتەوە.

ئەوە لەكاتێكدایە بەشێکی زۆری داواکاریەکان بە بیانوی خراپی کەش و ھەواو ھۆکاری کێشە لە کەشتییەکان و دۆخی نائاسایی تورکیاوە رەتکرابوەوە.



Copyright © 2016 Xendan.org all rights reserved

designed and developed by AVESTA GROUP