عێراق رەتیدەکاتەوە گفتوگۆی کڕینی سیستمی بەرگری موشەکی لەگەڵ روسیا کردبێت

- 5/15/2019 4:49:00 PM 883 جار خوێندراوەتەوە

خەندان-
وتەبێژی وەزارەتی دەرەوەی عێراق ناوەرۆکی راپۆرتی میدیاکانی روسیای رەتکردەوە کە باسیان لەگفتوگۆی نێوان بەرپرسانی عێراق و روسیاکردبو بۆ فرۆشتنی سیستمی بەرگری موشەکی ( S-400) بەعێراق.

بەپێی هەواڵێکی سکای نیوز، ئەمڕۆ چوارشەممە ئەحمەد سەحاف وتەبێژی وەزارەتی دەرەوەی عێراق رەتیکردەوە هیچ جۆرە گفتوگۆیەک لەنێوان بەرپرسانی عێراق و روسیا ئەنجامدرابێت بەمەبەستی کڕینی سیستمی بەرگری موشەکی( S-400) لە روسیا.

لەمبارەیەوە سەحاف رونیکردەوە کە سەرلەبەیانی ئەمڕۆ قسەی لەگەڵ باڵوێزی وڵاتەکەی لەروسیا کردوە و رەتیکردۆتەوە ئاگاداری هیچ جۆرە گفتوگۆیەکی لەوجۆرەبێت.
ئەو هەواڵانانەی بەناوی باڵوێزی عێراقەوە لەبارەی کڕینی سیستمی بەرگری موشەکی ( S-400) بڵاوکراوەتەوە راستییان تێدانیە

وتیشی ئەو هەواڵانانەی بەناوی باڵوێزی عێراقەوە لەبارەی کڕینی سیستمی بەرگری موشەکی ( S-400) بڵاوکراوەتەوە راستییان تێدانیە.

دوێنێ سێشەممە راگەیاندنەکانی روسیا لەزاری باڵوێزی عێراق لەروسیا بڵاویانکردەوە عێراق بڕیاری کڕینی سیستمی بەرگری موشەکی داوە و بۆ ئەو مەبەستەش گفتوگۆی لەگەڵ بەرپرسانی روسیا کردوە.
 

نیشانەکردن :

#عێراق

Copyright © 2016 Xendan.org all rights reserved

designed and developed by AVESTA GROUP