ئێران بەفەرمی پابەندبونی خۆی بە بەشێک لە رێککەوتنامەی ئەتۆمی راگرت

- 5/15/2019 3:21:00 PM 23035 جار خوێندراوەتەوە

 خەندان-
بەرپرسێکی باڵای وزەی ئەتۆمی ئێران رایگەیاند وڵاتەکەی بەشێوەیەکی فەرمی پابەندبونی خۆی بەبەشێک لە رێکەوتنە ئەتۆمییەکەی ساڵی 2015 راگرت.

بەپێی هەواڵێکی ئاژانسی رۆیتەرز، بەرپرسێكی وزەی ئەتۆمی ئێران رایگەیاند، وڵاتەكەی بە شێوەیەكی فەرمی پابەندبونی بە هەندێك لە بڕگەكانی ئەو رێكەتننامە ئەتۆمیە راگرتوە كە ساڵی 2015 لەگەڵ هەندێك وڵاتی زلهێزدا ئەنجامیانداوە.

هەفتەی رابردو کۆماری ئیسلامی ئێران هەریەک لەوڵاتانی بریتانیا، فەرەنسا، روسیا، چین و ئەڵمانیای لەبڕیارەکەی ئاگادارکردەوە و پێیراگەیاندن کە دەیەوێت پابەندبونی خۆی بەبەشێک لەرێککەوتنەکە راگرێت.

بەپێی رێکەوتنە ئەتۆمییەکەی ساڵی 2015 کۆماری ئیسلامی ئێران رێگەپێدراوە تائاستێکی دیاریکراو لە یۆرانیۆم کە بڕەکەی لە 300 کیلۆگرام و ئاوی قورس کەبڕەکەی لە 130 تۆن زیاتر نەبێت بەرهەم بهێنێت.

ئەو بەرپرسە باڵایەی کۆماری ئیسلامی ئێران ئاماژەی بەوەشكردوە "لەمەودوا ئێران هیچ سنوریكی نیە بۆ بەرهەمهێنانی یۆرانیۆمی پیتێندراو و ئاوی قورس".

ئاماژەی بەوەشكرد، چیدی پیتاندنی یۆرانیۆم و ئاوی قورس سنوردار ناكات و پاش 60 رۆژی دیكە رێژەی هەردوكیان بەرزتردەكاتەوە، وتیشی "چیتر ئێران ئاوی قورس و یۆرانیۆمی پیتێندراو بە وڵاتانی دیكە نافرۆشێـت".

ئەو هەنگاوەی ئێرانیش دوای ساڵێك لە كشانەوەی تاكلایەنەی ویلایەتە یەكگرتوەكانی ئەمریكا دێت لەو رێكەوتننامەیە، هاوكات توندتركردنی.

 


Copyright © 2016 Xendan.org all rights reserved

designed and developed by AVESTA GROUP