دیوانی سەرۆکایەتی هەرێمی کوردستان رونکردنەوەیەکی بڵاوکردەوە

- 5/15/2019 1:04:00 PM 12572 جار خوێندراوەتەوە

خەندان-

دیوانی سەرۆکایەتی هەرێمی کوردستان رایگەیاند، لە چوارچێوەی رێکخستنەوە و بچوککردنەوەی هەیکەلیەتی دیوانی سەرۆکایەتیی هەرێمی کوردستان، بڕیاردراوە بە ئەنجامدانی ژمارەیەک گۆڕانکاری و رێکخستنەوەی میلاکات لە دامەزراوەی سەرۆکایەتی هەرێم.
لە چوارچێوەی رێکخستنەوە و بچوککردنەوەی هەیکەلیەتی دیوانی سەرۆکایەتیی، بڕیاردراوە بە ئەنجامدانی ژمارەیەک گۆڕانکاری و رێکخستنەوەی میلاکات

 

دیوانی سەرۆکایەتی هەرێمی کوردستان رونکردنەوەیەکی بڵاوکردەوە و رایگەیاند، "لە چوارچێوەی رێکخستنەوە و بچوککردنەوەی هەیکەلیەتی دیوانی سەرۆکایەتیی هەرێمی کوردستان، بڕیاردراوە بە ئەنجامدانی ژمارەیەک گۆڕانکاری و رێکخستنەوەی میلاکات، لەسەر ئەم بنەمایەش ژمارەیەک لە فەرمانبەرەکان کە میلاکیان زیادەیە راژەکانیان گواستراونەتەوە بۆ وەزارەکان، بۆ ئەوەی بتوانرێت سود لە تواناکانیان وەربگیرێت لە دامەزراوەکانی هەرێمی کوردستان".
گشت لایەک دڵنیادەکەینەوە کە پرۆسەکە تەنیا رێکارێکی کارگێڕییەوە و هیچ پەیوەندییەکی بە لایەنی سیاسییەوە نییە

 

ئاماژە بەوەشکردوە، "گشت لایەک دڵنیادەکەینەوە کە پرۆسەکە تەنیا رێکارێکی کارگێڕییەوە و هیچ پەیوەندییەکی بە لایەنی سیاسییەوە نییە، خەڵکی بێلایەن و ئەندامانی پارتیی دیموکراتی کوردستان و یەکێتیی نیشتمانیی کوردستان و لایەنەکانی تری تێدایە".

رۆژی دوشەممە 13ی-5-2019 بە بڕیارێکی ئەنجومەنی وەزیرانی هەرێم ژمارەیەک فەرمانبەر لە سەرۆکایەتی هەرێمی کوردستان دورخرانەوە، کە هەندێکیان دەگوازرێنەوە فەرمانگەیەکی دیکە و هەندێکی دیکەشیان خانەنشین دەکرێن.

دیوانی سەرۆکایەتیی هەرێمی کوردستان جەختدەکاتەوە، "ئێمە لە دیوانی سەرۆکایەتی سەرلەبەری ئەو دەنگۆیانە رەتدەکەینەوە کە بابەتەکە پەیوەندی بە لایەنی سیاسییەوە هەبێت، بەڵکو تەنها رێکارێکی ئیداریە".

نیشانەکردن :

#سەرۆکایەتی هەرێم

Copyright © 2016 Xendan.org all rights reserved

designed and developed by AVESTA GROUP