تێرێزا مەی رێكکەوتننامەی برێكزیت دەخاتەوە بەردەم پەرلەمانی وڵاتەکەی

- 5/15/2019 9:44:00 AM 1418 جار خوێندراوەتەوە

خەندان-

بڕیارە مانگی داهاتو سەرۆك وەزیرانی بریتانیا دوبارە رێكکەوتننامەی تایبەت بە چونە دەرەوەی وڵاتەكەی لە یەكێتی ئەوروپا (برێكزیت) بخاتەوە بەردەم پەرلەمانی وڵاتەكەی.
مەی دوبارە ئەو رێككەوتننامەیە دەخاتەوە بەردەم ئەندامانی پەرلەمانی بریتانیا كە لەگەڵ یەكێتی ئەوروپا ئەنجامیداوە

 

وتەبێژی حكومەتی بریتانیا رایگەیاند، تێرێزا مەی، سەرۆك وەزیرانی وڵاتەكە بە مەبەستی بە ئەنجام گەیاندنی دوبارە ئەو رێككەوتننامەیە دەخاتەوە بەردەم ئەندامانی پەرلەمانی بریتانیا كە لەگەڵ یەكێتی ئەوروپا ئەنجامیداوە.

دوێنێ سێشەممە مەی لەگەڵ جێرێمی كۆربین، سەرۆكی كوتلەی ئۆپۆزسیۆنی پەرلەمان كۆبونەوەوە و بەپێی وتەبێژی حكومەت، "هەردوكیان پێكەوە تاوتوێی جێبەجێكردنی ئەنجامی گشتپرسیەكەیان كردوە كە پێشتر بە مەبەستی چونە دەرەوەی بریتانیا لە یەكێتی ئەوروپا ئەنجامدراوە".
ئەگەر پێویست بكات بریتانیا لە یەكێتیەكە بچێتە دەرەوە، پێویستە پێش پشوی هاوینەی پەرلەمان ئەو كارە بە ئەنجام بگەیەنێت

 

وتەبێژەكە ئاماژەی بەوەشکرد، "ئەگەر پێویست بكات بریتانیا لە یەكێتیەكە بچێتە دەرەوە، پێویستە پێش پشوی هاوینەی پەرلەمان ئەو كارە بە ئەنجام بگەیەنێت، هەر بۆیە لە هەفتەی یەكەمی مانگی حوزەیران پرۆژە یاسای رێككەوتنی برێكزت دەخەینە پەرلەمان".
نزیكەی سێ ساڵ بەسەر گشتپرسیەكەی بریتانیادا تێدەپەڕێت

 

نزیكەی سێ ساڵ بەسەر گشتپرسیەكەی بریتانیادا تێدەپەڕێت، كە سەبارەت بە رێككەوتننامەی چونە دەرەوە لە یەكێتی ئەوروپا (برێكزت) ئەنجامدرا و بە كۆی لەسەدا 52 ی دەنگەكان بەرامبەر بە لەسەدا 48ی  دەنگەكان لە قازانجی رێككەوتننامەكە كۆتاییهات، بەڵام تا ئێستا سات و چۆنیەتی چونەدەرەوەی ولاتەكە لە یەكێتی ئەوروپا بڕیاری لەسەر نەدراوە.


Copyright © 2016 Xendan.org all rights reserved

designed and developed by AVESTA GROUP