داعش: لەروبەروبونەوەیەکدا 11 سەربازی نێجیریمان کوشت

- 5/12/2019 11:25:00 AM 2949 جار خوێندراوەتەوە

خەندان-
رێکخراوی داعش بڵاویکردەوە چەکدارەکانیان لەباکوری رۆژهەڵاتی نێجیریا هێرشیان کردۆتە سەر سەربازگەیەکی هێزەکانی سوپای ئەو وڵاتەو بەهۆیەوە 11 سەربازی نێجیریان کوشتوە.

بەپێی هەواڵێکی ئاژانسی رۆیتەرز، رێکخراوی داعش بڵاویکردۆتەوە رۆژی هەینی رابردو لەویلایەتی بۆرنۆ هێرشیانکردۆتە سەر سەربازگەیەکی نێجیریا و بەهۆیەوە 11 سەرباز کوژراون.
وێنەی سەربازگەکە و ژمارەیەک تەرمی بڵاوکردەوە و رایگەیاند ئەو تەرمانە سەربازانی سوپای نێجیریان
ئەو رێکخراوە جیهادیە وێنەی سەربازگەکە و ژمارەیەک تەرمی بڵاوکردەوە و رایگەیاند ئەو تەرمانە سەربازانی سوپای نێجیریان و بەدەستی چەکدارەکانیان کوژراون.

سێ سەرچاوە لەنێوانیاندا سەرچاوەیەکی پزیشکی لەیەکێک لەنەخۆشخانەکانی ئەو شارە راستی روداوەکەی راگەیاندو بەپێی شاهید حاڵەکانیش چەکدارانی داعش لەنزیک کاتژمێر 6:30 ی سەرلەئێوارە بەسواری ماتۆڕ بەناوشارەکەدا گەڕاون و تەقەیان بەسەر خەڵکدا کردوە.

دواتر ئەو بنکە سەربازییەی داعش هێرشی کردۆتە سەر بەیارمەتی هێزی ئاسمانی توانیویانە هێزەکانی داعش لەو ناوچەیە دوربخەنەوە.

چەکدارانی سەربە ویلایەتی ئەفریقای رۆژئاوا لەماوەی چەند مانگی رابردودا چەندین هێرشی بەردەوامیان کردۆتە سەر بنکە سەربازییەکانی نێجیریا.

نیشانەکردن :

#داعش

Copyright © 2016 Xendan.org all rights reserved

designed and developed by AVESTA GROUP