توێژینەوەیەكی زانستی: پاشەرۆی پەنگوین ژیان بۆ ناوچە ساردەكان دەگەڕێنێتەوە

- 5/10/2019 10:06:00 PM 5819 جار خوێندراوەتەوە

خەندان-

بەپێی توێژینەوەیەكی زانستی، پاشەڕۆی هەریەك لە پەنگوین و فیل بۆ بەردەوامی ژیان لە ناوچە زۆر ساردەكانی هاوشێوەی جەمسەرەكان بەسودە و درێژە بە بەردەوامییان لەو ناوچانەدا دەدات.
 پاشەڕۆی پەنگوین زیاتر لە ژمارەی ئاژەڵەكان و رێژەی شێ و پلەكانی گەرما كاریگەری لەسەر ناوچەكە هەیە


ستیڤ بۆكۆرست، سەرپەرشتیاری گشتی توێژینەوەكە لەگەڵ هاوڕێكانیدا لە زانكۆیەكی هۆڵەندا ماوەی 15 ساڵە لە جەمسەری باکوردا توێژینەوە ئەنجامدەدەن، دركیان بەوەكردوە پاشەڕۆی پەنگوین زیاتر لە ژمارەی ئاژەڵەكان و رێژەی شێ و پلەكانی گەرما كاریگەری لەسەر ناوچەكە هەیە.

دركیان بەوەشكردوە پاشەڕۆی ئەو ئاژەڵانە لە دوری هەزار مەترەوە كاریگەریان لەسەر مانەوەی ژیان لەو ناوچانەدا هەیە.

بۆكۆرست دەڵێت "بەپێی توێژینەوەكان بەشێك لە پاشەڕۆی پەنگوین و سەگی ئاوی وەكو ئامۆنیا دەچێتە هەواوە و دواتر رەشەبا ئەو ئامۆنیایە هەڵدەگرێت و بە زەوی ناوچەكەدا بڵاویدەكاتەوە، دواتر ئامۆنیاكە لەگەڵ خاك تێكەڵدەبێت و بڕێك لە نایترۆجین-ی پێویست بۆ خاكەكە بەرهەمدەهێنێت كە بۆ مانەوەی لە ژیان پێویستیەتی".

ملیۆنان ئاژەڵی بێبڕبڕە و روەك بەهۆی پاشەڕۆی ئاژەڵەكانەوە توانیویانە لە ژیاندا بمێننەوە

 

هاوكات توێژینەوەكە توانیویەتی ملیۆنان روەك و ئاژەڵی بێبڕبڕە و بدۆزنەوە كە بەهۆی پاشەڕۆی ئاژەڵەكانەوە توانیویانە لە ژیاندا بمێننەوە.
دەتوانیت لە هەر مەتر دوجایەكدا ملیۆنان لەو بونەوەرانە بدۆزیتەوە

بۆكۆرست دەڵێت "دەتوانیت لە هەر مەتر دوجایەكدا ملیۆنان لەو بونەوەرانە بدۆزیتەوە، بەڵام لە ناوچە سەوزاییەكانی ئەوروپا و ویلایەتەی یەكگرتوەكانی ئەمریكادا  تەنها 50 هەزار بۆ 100 هەزار لەو بونەورانە لە یەك مەتر دوجادا هه‌یه‌".
لە ئێستادا سیستەمی ژیان لەو ناوچەیەدا بۆ ژیانی ئاژەڵەكانی وەك جرج و مشك نەگونجاوە

ئاماژە بەوەشدەكات "هەروەك چۆن پاشەڕۆی پەنگوین و سەگی دەریایی خاكەكان بەپیت دەكەن و ژیان بە روەكەكان دەبەخشن، پێدەچێت ناوچەكەش بۆ مێروە راوچیەكان لەباربكات و مێروەكانی وەكو جاڵجاڵۆكە و قالۆنچە بتوانن لەو ناوچانەدا بژین" دەشڵێـت "لە ئێستادا سیستەمی ژیان لەو ناوچەیەدا بۆ ژیانی ئاژەڵەكانی وەك جرج و مشك نەگونجاوە".



Copyright © 2016 Xendan.org all rights reserved

designed and developed by AVESTA GROUP