فەیسبوك ئەو هەژمارانە دادەخات كە بیری توندڕەوی بڵادەكەنەوە

- 5/3/2019 4:01:00 PM 3976 جار خوێندراوەتەوە

خەندان-

کۆمپانیای فەیسبوک بەکارهێنانی تۆڕی کۆمەڵایەتی فەیسبوک و ئینستاگرام لە کەسایەتییە مەترسیدار و گروپە ڕێبەران و سەرکردەکانی گروپە توندڕەوەکان  قەدەغە دەکات. 

بە تۆمەتی بڵاوکردنەوەی گوتاری توند ئەو سزایەیان بەسەردا سەپێنراوە

 

بە پێی بڕیارەکە هەریەکە لە ئەلێکس جۆنس، پاوڵ جۆزێف، و میلۆ یانۆپولس، ئێکس بریتبارت، بە تۆمەتی بڵاوکردنەوەی گوتاری توند و ھاندانی جیاکاری رقلێبونەوە، ئەو سزایەیان بەسەردا سەپێنراوە.

 

تۆڕی هەواڵی بی بی سی بریتانی رایگەیاند، هەژمارەكانی هەریەك لە ئەلێكس جۆنس، پێشكەشكاری پێگەی InfoWars و پاوڵ جۆزێف-ی سەرنوسەری پێگەكە و میلۆ یانۆپولس-ی سەرنوسەری بەشی هەواڵەكانی ئەو پێگەیەی بە تۆمەتی بڵاوكردنەوەی رق و كینە لە تۆڕی كۆمەڵایەتی فەیسبوك راگیراوە.

پێشتر فەیسبوك چەند گروپێكی دژە-ئیسلامی داخستوە


ئەو هەنگاوەی كۆمپانیای فەیسبوك لە كاتێكدایە پێشتر هەژماری ئەو گروپانەی بیری توندڕەوی دژە-ئیسلامیان بڵاودەكردەوە سڕیوەتەوە و یەكێك لەو گروپانەش گروپیBritain First" " بوە.

هاوكات فەیسبوك هەژمارەكانی هەریەك لە پاوڵ نێهڵێن، كە یەكێكە لە سپی پێستە رەگەزپەرستەكان و لۆرا لوومەر-ی چالاكوانی دژە-ئیسلام  و لۆویس فاراخان كە دژ بە جولەكە قسەیكردوە داخستوە و لەوبارەیەوە ئەمرۆ هەینی ئەو كۆمپانیایە رایگەیاند "پرۆسەی هەڵسەنگاندنی ئەو هەژمارانەی پێشێلكاریدەكەن پرۆسەیەكی فراوانە و ئەوەش بوەتە هۆی داخستنی ئەو هەژمارانە".

بێ جیاكاری ئایدیۆلۆژی هەر هەژمارێك بیری توندڕەوی بڵاوبكاتەوە دایدەخەین


كۆمپانیاكە ئاماژەی بەوەشكردوە "بێ جیاكاری لە ئایدیۆلۆژی هەر كەس و لایەنێك كۆمپانیاكەمان هەژماری ئەو تاك و رێكخراو و دامەزراوانەی داخستوە كە بیری توندوتیژی بڵاودەكەنەوە و هاندەرن بۆ بڵاوبونەوەی رق و كینە".

ئەو بڕیارە ئینستاگرامیش دەگرێتەوە


فەیسبووک بڕیاریشداوە بەکارهێنانی تۆڕی کۆمەڵایەتی ئینستاگرامیش کە ھەر خۆی خاوەندارێتیدەکات لەو کەسایەتی و گروپانە قەدەغە بکات کە گوتاری ڕەگەزپەرستانە و توندوتیژ بڵاودەکەنەوە و ھانی توندڕەوی دەدەن و ھۆکارن بۆ جیاکاری لەناو کۆمەڵگاکاندا.



Copyright © 2016 Xendan.org all rights reserved

designed and developed by AVESTA GROUP