بەشەقامەكاندا دەیانگێڕن
بە وێنە: فێستیڤاڵی ساڵانەی مار لە ئیتاڵیا

- 5/3/2019 9:29:00 AM 15606 جار خوێندراوەتەوە

خەندان-

خەڵكی دێی كۆكوللۆ لە ئیتاڵیا ساڵانە فێستیڤاڵی مار ئەنجامدەدەن و تێیدا پەیكەرێكی لە دار دروستكراوی قەشەیەكی كۆنی ناوچەكەیان بە مار-ی زیندو دەڕازێننەوە و بە شەقامەكاندا دەیگێڕن.

فێستیڤاڵ-ی "سێرپاری" كە ساڵانە لە 1ی ئایاردا لە دێی كۆكوللۆ لە ئیتاڵیا ئەنجامدەدرێت، یادی قەشە سان دۆمێنیكۆ دی سۆرا-ی تێدا دەكرێتەوە كە لە سەدەی یازدەهەمدا بەشێوەیەكی سەرسوڕهێنەر مار-ی لە كێلگە كشتوكاڵیەكاندا نەهێشت.

هاوكات بەپێی وتەی هەندێك كەسی دیكە، ئەو فێستیڤاڵە لە "پەرستشی ئانگیتیا"وە  سەرچاوەی گرتوە كە خودای مار-ی رۆمانی بوە و لەلایەن خەڵكەوە پەرستراوە.

هەندێك خەڵك پۆشاكی كلتوری تایبەت بە ناوچەكە دەپۆشن، راوچیانی مار پێشتر چوار جۆری بێ زیانی مار دەگرن و رادەستی ئەو كەسانەی دەكەن  كە پەرستش ئەنجام دەدەن، دواتر بە هێواشی مارەكان دەخرێنە سەر پەیكەرەكەی سان دۆمێنیكۆ، بەوشێوەیە بەردەوامدەبن تا پەیكەرەكە بە تەواوی بە مار دادەپۆشرێت، لەپاشتر پەیكەرەكە بە شەقامەكاندا دەگێڕن و لەناو ئاپۆڕایەكی گەورەدا بەرز رایدەگرن، هاوكات خەڵك لە بالكۆنی ماڵەكانیانەوە سەیری دیمەنەكان دەكەن، دوای كۆتاییهاتنی فێستیڤاڵەكە، مارەكان دەگەڕێندرێنەوە دارستانەكان.

 


Copyright © 2016 Xendan.org all rights reserved

designed and developed by AVESTA GROUP