چەند تۆمەتبارێک دەستگیرکران لە ئۆفیسی نەوەی نوێ حەشاردرابون
دەزگای ئاسایشی هەرێم: ئەم رێوشوێنە، لەچوارچێوەی جێبەجێکردنی بڕیاری دادگا بوە بۆ پاراستنی سەروەری یاسا

- 5/1/2019 4:45:00 PM 46539 جار خوێندراوەتەوە

خەندان-

دەزگای ئاسایشی هەرێمی کوردستان رایگەیاند: چەند کەسێک لەو تۆمەتبارانەی، لە ئۆفیسی سەرەکی سەرۆکی جوڵانەوەی نەوەی نوێ لە سلێمانی حەشاردرابون، دەستگیرکران، و دەشڵێت: ئەم رێوشوێنە، لەچوارچێوەی جێبەجێکردنی بڕیاری دادگا بوە بۆ پاراستنی سەروەری یاسا.

چەند کەسێک، لەو تۆمەتبارانەی، لە ئۆفیسی سەرەکی سەرۆکی جوڵانەوەی نەوەی نوێ لە سلێمانی حەشاردرابون، دەستگیرکران

 

دەزگای ئاسایشی هەرێمی کوردستان راگەیەندراوێکی بڵاوکردەوە و دەڵێت: بە بریاری دادوەری لێکۆڵینەوە دەزگای ئاسایشی ھەرێمی كوردستان چەند کەسێک، لەو تۆمەتبارانەی، لە ئۆفیسی سەرەکی سەرۆکی جوڵانەوەی نەوەی نوێ لە سلێمانی حەشاردرابون، دەستگیرکران.

لە راگەیەندراوەکەدا دەڵێت: بە بریاری دادوەری لێکۆڵینەوە، دەزگای ئاسایشی ھەرێمی كوردستان، لێکۆڵینەوە و بەدواداچونی وردی دەستپێکرد، بۆ تاوانێکی رێكخراو، کە لەلایەن چەند کەسێکەوە ئەنجام دراوە، پاش کۆکردنەوەی زانیاری و بەدواداچونی ورد، بەچاودێری دادەوەری لێکۆڵینەوە، ھێزەکانمان دەستگیریانکردن". 

دەزگای ئاسایشی هەرێمی کوردستان ئاماژەی بەوەشکردوە: ئەم رێوشوێنە، لەچوارچێوەی جێبەجێکردنی بڕیاری دادگابوە بۆ پاراستنی سەروەری یاسا.

ئەمڕۆش خەندان یەکەم میدیای کوردستان بو بڵاویکردەوە سکرتێری دوەمی شاسوار عەبدولواحید دەستگیرکراوە.


Copyright © 2016 Xendan.org all rights reserved

designed and developed by AVESTA GROUP