بەپەلە

سەرۆكی سریلانكا: داواكراوی سەرەكی تەقینەوەكان كوژرا

- 4/26/2019 8:45:00 AM 4917 جار خوێندراوەتەوە

خەندان-

سەرۆكی سریلانكا رایگەیاند: داواكراوی سەرەكی تەقینەوەكانی ئەم دواییەی وڵاتەكەی كوژراوە.

ئەمڕۆ هەینی، مایسری پالا سیرسینا سەرۆکی سریلانكا رایگەیاند: توانراوە زهران هاشم داواكاری سەرەكی تەقینەوەكانی ئەم دواییەی سریلانكا بكوژرێت.

هەڵمەتەكانی پۆلیسی نەهێشتنی مادە هێشبەرەكان رەنگە هۆكاری سەرەكی پشت تەقینەوەكان بێت

 

راشیگەیاندوە كە بەپێی بەڵگەنامەكان پەیوەندیەكی بەهێز لەنێوان تیرۆریستان و بازرگانانی مادە هۆشبەرەكان هەیە، و هەڵمەتەكانی پۆلیسی نەهێشتنی مادە هێشبەرەكان رەنگە هۆكاری سەرەكی پشت تەقینەوەكان بێت.

لەلایەكی دیكەوە پۆلیسی سریلانكا رایگەیاندوە كە فەرمانی دەستگیركردنی بۆ 140 داواكراو دەركردوە.

بەپێی زانیارییە هەواڵگریەكان، هەشت خۆکوژ لە نۆ خۆکوژەکەی سریلانکا خەڵکی سریلانکان و زەهران هاشم یەكێك بوە لە داواكارە سەرەكیەكان و سەرۆکی لقی رێکخراوی داعش بوە لەسریلانکا.

بەپێی هەواڵێکی گاردیانی بریتانی، ئێوارەی دوێنێ لەراگەیەنراوێکدا نوسینگەی وەزارەتی دەرەوەی بریتانیا رایگەیاند بەپێی زانیارییەکانی ئەوان ئەگەری رودانەوەی هێرشە خۆکوژییەکان ئەگەرێکی بەهێزە و ئامۆژگاری بریتانییەکانیشی کرد لەحاڵەتی زۆر پێویستدا نەبێت سەردانی ئەو وڵاتە نەکەن.

رۆژی 21ی ئەم مانگە زنجیرەیەک تەقینەوەی خۆکوژی لەسریلانکا رویاندا کە ژمارەیەک هۆتێل و کەنیسەی کردە ئامانج و بەهۆیانەوە لانیکەم 350 کەس کوژران و 500 ی دیکەش برینداربون.



Copyright © 2016 Xendan.org all rights reserved

designed and developed by AVESTA GROUP