١٠٤ ساڵ لەمەوبەر گەلی ئەرمەن کۆمەڵکوژ کرا
کەنەکە: پێویستە ئەو کۆمەڵکوژییەی دەوڵەتى عوسمانی بە جینۆساید بناسێنرێت

- 4/24/2019 9:36:00 AM 3931 جار خوێندراوەتەوە

خەندان-

کۆنگرەی نەتەوەیی کوردستان (کەنەکە) راگەیەندراوێکی لەبارەی تێپەڕبونی ١٠٤ ساڵ بەسەر کۆمەڵکوژیى ئەرمەنەکان بڵاوکردەوە و رایگەیاند، پێویستە ئەو کۆمەڵکوژییەی دەوڵەتى عوسمانی بە جینۆساید بناسێنرێت.
 ٢٤ی نیسانی ١٩١٥ دەوڵەتى عوسمانى دەستیکرد بە کۆمەڵکوژکردنى گەلانى ئەرمەنی، کلد و ئاشور و ئێزدی

 

بەپێی سەرچاوە مێژوییەکان، لە ٢٤ی نیسانی ١٩١٥ دەوڵەتى عوسمانى دەستیکردوە بە کۆمەڵکوژکردنى گەلانى ئەرمەنی، کلد و ئاشور و ئێزدی، لەو پاکتاوکارییە گەورەیەی دژ بە مرۆڤایەتیدا زیاتر لە ملیۆنێک و ٥٠٠ هەزار مرۆڤ کۆمەڵکوژکرا.

کۆنگرەى نەتەوەیى کوردستان (کەنەکە) لە راگەیەندراوێکدا ئەمڕۆ رایگەیاندوە، "ئێستا کۆماری تورکیا کە میراتگری دەوڵەتی عوسمانییە دوای ١٠٤ ساڵ تێپەڕبون بە سەر ئەو جینۆسایدەدا هەر ئینکاری دەکات و دان بەو راستییەدا نانێت". 
لە یادی ١٠٤ ساڵەی ئەو جینۆسایدەدا داوا لە کۆماری تورکیا دەکەین کە دان  بەو تاوانەدا بنێت

 

کەنەکە ئاماژەی بەوەکردوە، "لە یادی ١٠٤ ساڵەی ئەو جینۆسایدەدا داوا لە کۆماری تورکیا دەکەین کە دان  بەو تاوانەدا بنێت و داواکارییەکانی ئەو قبوڵکردنە بسەلمێنێ".
زۆر بەتوندی جینۆسایدی ١٩١٥ شەرمەزار دەکەین

 

لە راگەیاندراوەکەى کەنەکەدا ئەوەش هاتووە،  ئێمە لە کۆنگرەی نەتەوەیی کوردستان  (کەنەکە)، "زۆر بەتوندی جینۆسایدی ١٩١٥ شەرمەزار دەکەین، داوا لە هەموو دامودەزگا نێونەتەوەیی و ناوچەییە پەیوەندیدارەکان دەکەین، کە وەک جینۆساید بیسلەمێنن و قبوڵی بکەن".


Copyright © 2016 Xendan.org all rights reserved

designed and developed by AVESTA GROUP