وەزیری نەوتی ئێران: ئەمریکا هەڵەدەکات کە پرسی نەوتی کردۆتە پرسێکی سیاسی

- 4/23/2019 5:29:00 PM 709 جار خوێندراوەتەوە

خەندان-
وەزیری نەوتی ئێران رایگەیاند ئەمریکا هەڵەیەکی کوشندەی کردوە کە پرسی نەوتی کردۆتە پرسێکی سیاسی و وەک چەکێک دژی کۆماری ئیسلامی ئێران بەکاریدەهێنێت.

بەپێی هەواڵێکی ئاژانسی رۆیتەرز، ئەمڕۆ سێ شەممە بیجان زەنگەنە وەزیری نەوتی ئێران لەدانیشتنێکی پەرلەمانی وڵاتەکەیدا رایگەیاندوە ئەمریکا هەڵەیەکی کوشندەدەکات کە پرسی نەوتی کردۆتە پرسێکی سیاسی و وەک چەکێک بەکاریدەهێنێت.

دوێنێ دوشەممە پاش ئەوەی ئەمریکا بڕیاریدا لەهەفتەی داهاتوەوە بەخشینی سەر ئەو وڵاتانە لادەبات کە پێشتر بەهۆکاری جیاواز رێگەیان پێدرابو بازرگانی نەوت لەگەڵ ئێران بکەن نرخی نەوت بۆ بەرزترین ئاستی خۆی لەماوەی پێنج مانگی رابردودا تۆمارکرد.
ئەمریکا ناتوانێت هەناردەی نەوتی وڵاتەکەی بۆ ئاستی سفر کەبکاتەوە

وەزیری نەوتی ئێران راشیگەیاند ئەمریکا ناتوانێت هەناردەی نەوتی وڵاتەکەی بۆ ئاستی سفر کەبکاتەوە.
هەمو هەوڵێک دەخەینەگەڕ بۆ شکاندنی سزاکانی ئەمریکا

هاوکات، بەپێی ئاژانسی هەواڵی خوێندکارانی ئێران(ISNA) وەزیری نەوتی ئێران راشیگەیاندوە هەمو هەوڵێکیان دەخەنەگەڕ بۆ شکاندنی سزاکانی ئەمریکا.

دوێنێ دوشەممە مایک پۆمپیۆ وەزیری دەرەوەی ئەمریکا لەکۆنگرەیەکی رۆژنامەنوسیدا رایگەیاند وڵاتەکەی بەخشینی ئەو هەشت وڵاتەی راگرتوە کە پێشتر رێگەیان پێدرابو بۆماوەیەکی دیاریکراو بازرگانی نەوت لەگەڵ ئێران بکەن.

نیشانەکردن :

#ئێران

Copyright © 2016 Xendan.org all rights reserved

designed and developed by AVESTA GROUP