بەپەلە

چیرۆکی رۆژی جیهانی زەوی

- 4/22/2019 3:51:00 PM 5467 جار خوێندراوەتەوە

خەندان-

هەمو ساڵێك لە رێكەوتی 22ی نیساندا جیهان بە بۆنەی رۆژی زەویەوە ئاهەنگ دەگێڕێت و ئەو رۆژەش لە لایەن سیناتۆرێكی ئەمریكیەوە لە ساڵی 1970 دەستنیشانكراوە.

چیرۆكی ڕۆژی زەوی

ساڵی 1969 گایڵۆرد نیڵسن، سیناتۆری ئەمریكی لەگەڵ یاریدەدەرەكەیدا سەردانی ناوچەی سانتا باربارا-ی سەر بە ویلایەتی كالیفۆرنیایان كرد و لە كەنارئاوەكەدا تێبینی پەڵە نەوتی گەورەیان كرد كە كەوتبوە سەر ئاوی زەریای هێمن و هەڕەشەی بۆ سەر ژیانی ماسی و پەلەوەرە دەریاییەكان دروستكردبو.

دوای ئەوەی نیڵسن گەڕایەوە بۆ واشنتن، هەستا بە ئامادەكردنی پرۆژە یاسایەك و تێیدا داوایكرد 22ی نیسانی هەمو ساڵێك بە رۆژی جیهنی زەوی بناسێندرێت و بەو بۆنەیەوە لەو رۆژەدا زەوی ئاهەنگ بگێڕن.
لە ساڵی 1970 نزیكەی 20 ملیۆن هاوڵاتی ئەمریکی داوایان لە حكومەتی وڵاتەكەیان كرد بۆ پاراستنی ژینگە هەوڵ بدات

 

لە ساڵی 1970 و لە یەكەمین مەراسیمی تایبەت بە رۆژی جیهانی زەوی نزیكەی 20 ملیۆن خەڵكی ئەمریكی شەقام و شوێنە گشتیەكانیان تەنی و داوایان لە حكومەتی وڵاتەكەیان كرد بۆ پاراستنی ژینگە هەوڵ بدات.
لە ئێستاشدا زیاتر لە 184 وڵات لە 22ی نیسانی هەمو ساڵێكدا یادی رۆژی زەوی دەكەنەوە

 

سەرەتا تەنها لە ویلایەتە یەكگرتوەكان ئەو رۆژە یادی رۆژی زەوی تێدا دەكرایەوە، بەڵام دوای ئەوەی لە ساڵی 1990 رێكخراوێكی نێودەوڵەتی بە مەبەستی گرنگیدان بە هەسارەی زەوی دامەزرا و دواتر 141 وڵات لەو رۆژەدا ئاهەنگیان دەگێڕا،  لە ئێستاشدا زیاتر لە 184 وڵات لە 22ی نیسانی هەمو ساڵێكدا یادی رۆژی زەوی دەكەنەوە.

پاش ماوەیەكی كەم، بە مەبەستی پاراستنی زەوی كەمپەین و گردبوەنەوەی گەورە ئەنجامدراوە و دامەزراوە ژینگەییەكان لە ئێستادا داوادەكەن لەرێگەی بەكارهێنانی وزەی پاك و بێ زیانەوە رێگری لە گەرمبونی كەش و هەوا و زەوی بكرێت.


Copyright © 2016 Xendan.org all rights reserved

designed and developed by AVESTA GROUP