دەیان کوژراو و بریندار هەن
زنجیرەیەک تەقینەوە پایتەختی سریلانکای هەژاند

- 4/21/2019 8:52:00 AM 3452 جار خوێندراوەتەوە

خەندان-

بەیانی ئەمڕۆ یەکشەممە زنجیرەیەک تەقینەوە پایتەختی سریلانکای هەژاند و بەهۆیەوە لانیکەم 42 کەس کوژران و دەیانی دیکەش برینداربون.

بەپێی سکای نیوز، زنجیرە تەقینەوەکان سێ کەنیسە و سێ هۆتێلی لە پایتەختی سریلانکا کردوەتە ئامانج و بەهۆیەوە 42 کەس کوژران و دەیانی دیکەش برینداربون.

هاوکات تەقینەوەکان جگە لە پایتەخت، چەندین شار و شارۆچکەی ئەو وڵاتەی گرتوەتەوە و بەپێی زانیارییەکانی پۆلیسی ئەو وڵاتەش یەکێک لە تەقینەوەکان کەنیسەی سان ئەنتۆنی  لەناوچەی كوتشسیكادی کۆڵۆمبۆ کردوەتە ئامانج.

هاوکات بەرپرسێکی نەخۆشخانەی گشتی پایتەخت بە فرانس پرێس-ی راگەیاندوە، تا ئێستا پێشوازییان لە 80 بریندار کردوە و بەردەوام ئۆتۆمبێلەکانی فریاگوزاری خێرا نەخۆشی دیکە دەگوازنەوە.


نیشانەکردن :

#سەریلانكا

Copyright © 2016 Xendan.org all rights reserved

designed and developed by AVESTA GROUP