پۆلیسی سلێمانی لەسەر هاک کردنی پەیجی بەڕێوەبەرایەتییەکە رونکردنەوە دەدات

- 4/20/2019 6:50:00 PM 2579 جار خوێندراوەتەوە


خەندان-

پۆلیسی سلێمانی رایگەیاند، تا ئێستا نازاندرێت پەیجی بەڕێوەبەرایەتییەکەیان لە تۆڕی کۆمەڵایەتی فەیسبوک لەلایەن کێوە هاک کراوە، سبەینێش سکاڵای یاسایی تۆماردەکەن.
شەوی رابردو بۆ ماوەی شەش کاتژمێر پەیجی پۆلیسی سلێمانی لە فەیسبوک هاک کرا

 

سەرکەوت ئەحمەد، وتەبێژی پۆلیسی سلێمانی بە خەندان-ی راگەیاند، کاتژمێر 3:30 خولەکی شەوی رابردو بۆ 4:00 پەیجی پۆلیسی سلێمانی لە تۆڕی کۆمەڵایەتی فەیسبوک هاک کراوە و پۆستێکی تێدابڵاوکراوەتەوە، کە چەند وێنەیەکی دانابو قسەی نەشیاوی کردبو.

 وتەبێژی پۆلیسی سلێمانی وتیشی: "دوای ئەوەی بۆ ماوەی شەش کاتژمێر پەیجی بەڕێوەبەرایەتییەکەمان لە تۆڕی کۆمەڵایەتی فەیسبوک هاک کرا، دواتر توانیمان وەریبگرینەوە، لە ئێستادا پەیجەکە لە دەستی خۆماندایە، بەڵام تا ئێستا نازاندرێت، لەلایەن کێوە پەیجەکەمان هاک کراوە، بەردەوامین لە بەدواداچون و سبەینێش سکاڵا تۆماردەکەین".



Copyright © 2016 Xendan.org all rights reserved

designed and developed by AVESTA GROUP