لەكاتی بەقاچاغبردنی نەوت دەستگیرا بەسەر دو تەنكەردا

- 4/19/2019 2:23:00 PM 9414 جار خوێندراوەتەوە

خەندان-

هێزەكانی پۆلیسی وزەی عێراق دەستیانگرت بەسەر دو تەنكەردا كە دەیانویست نەوت لە سنوری پارێزگای كەركوك بە خاچاغ ببەن.

بەپێی راگەیەندراوێكی به‌ڕێوبه‌رایه‌تی گشتیی پۆلیسی وزه‌ی عێراق،  كاتژمێر 2:30 ی بەرەبەیانی 18 ی نیسان، هێزەكانیان توانیویانە دەست بگرن بەسەر دو تەنكەردا كە لە نزیكەی 25 مەتر بە دوری لە بازگه‌یه‌كی پۆلیسی ئیتحادی،له‌ رێگەی هێڵێكی نه‌وتگواستنەوە هەوڵی بەقاچاغبردنی نەوتیان داوە.

ئەوەش خراوەتەرو كە ئەو تەنكەرانە ویستویانە نەوت لە هێڵی نه‌وتگواستنەوەی وێستگه‌ی سارلوی نزیك په‌لكانه‌ی سەر بە قه‌زای دبس بۆ وێستگه‌ی خورمه‌ڵه‌  بە قاچاغ ببەن و بۆ ئەو مەبەستەش هێڵێكیان به‌ درێژی 20 مه‌تر له‌ بۆری نه‌وته‌وه‌ راكێشاوه‌ و تانكه‌ره‌كانیان لێ پڕ كردوه‌، دوای دەستگیركردنیان تەنكەرەكان گواستراونه‌ته‌وه‌ بۆ باره‌گای پۆلیسی نه‌وتی باكور و دۆسیەكەیان رەوانەی دادگا كراوە. 

 



Copyright © 2016 Xendan.org all rights reserved

designed and developed by AVESTA GROUP