هەواڵی ئەمڕۆ

تایبەت بەدەستێوەردانی ئەمریکا لەشەڕی یەمەن، ترەمپ ڤیتۆی بریارێکی کۆنگرێسی کرد

- 4/17/2019 5:44:00 PM 2521 جار خوێندراوەتەوە

خەندان-
پاش ئەوەی کۆنگرێسی ئەمریکا بڕیارێکی بۆ راگرتنی شەڕی جەمسەرەکان و دەستێوەردانی  وڵاتەکەی لەشەڕی یەمەن دەرکرد، ئەمڕۆ دۆناڵد ترەمپ ڤیتۆی بریارەکەی کرد و رەتیکردەوە.

بەپێی هەواڵێکی ئەل جەزیرە، ئەمڕۆ دۆناڵد ترەمپی سەرۆکی ویلایەتە یەکگرتوەکانی ئەمریکا ڤیتۆ بڕیارێکی کۆنگرێسی وڵاتەکەی کرد کە بڕیاری راگرتنی شەڕی جەمسەرەکان و دەستێوەردانی  وڵاتەکەی لەشەڕی یەمەندا دابو.
کۆنگرێسی ئەمریکا بڕیارێکی بۆ راگرتنی شەڕی جەمسەرەکان و دەستێوەردانی  وڵاتەکەی لەشەڕی یەمەن دەرکرد

بۆ یەکەمین جار کۆنگرێسی ئەمریکا بڕیارێکی بۆ راگرتنی شەڕی جەمسەرەکان و دەستێوەردانی  وڵاتەکەی لەشەڕی یەمەن دەرکردبو، ئەوەش لەمێژوی ئەمریکادا یەکەمین جارە کۆنگرێس بریارێک بۆ راگرتنی دەستێوەردان لەکاروباری ناوخۆی وڵاتێکی دیکە دەربکات.

لەمبارەیەوە دۆناڵد ترەمپی سەرۆکی ئەمریکا رایگەیاند " بڕیارەکەی کۆنگرێس بڕیارێکی ناپێویست و مەترسیدارە و هەوڵێکە بەئاراستەی لاوازکردنی دەسەڵاتە دەستورییەکانی ئەمریکا و لەمڕۆ و لەئایندەشدا ژیانی هاوڵاتیانی ئەمریکا دەخاتە مەترسییەوە."
 
سەرەتای ئەم مانگە بە247 دەنگی ئەرێ بەرامبەر 175 دەنگی نەخێر کۆنگرێس بڕیاری پەسەندکردنی بریارەکەی کرد و دەستێوەردانی ئەمریکای لەجەنگی دەسەڵاتەکانی ناوچەکە کە ئێران و سعودیە پشتیوانی دەکەن راگرت.

نیشانەکردن :

#یه‌مه‌ن

Copyright © 2016 Xendan.org all rights reserved

designed and developed by AVESTA GROUP