پیرۆزبایی لە ئێزیدییەکان دەکات
مەسعود بارزانی: بە هەمو توانایەكەوە پشتگیریی داخوازییەكانی ئێزیدییەکان دەکەم

- 4/16/2019 8:45:00 PM 2535 جار خوێندراوەتەوە

خەندان-

مەسعود بارزانی رایگەیاند، بە هەمو توانایەكەوە پشتگیریی داخوازییەكانی ئێزیدییەکان دەكات و پێویستیشە هەمو لایەك هاوكاربن، بۆئەوەی بتوانن خۆیان بڕیار لە چارەنوس و ئایندەی خۆیان بدەن و برینەكانیان ساڕێژ بكەن و كۆتایی بە ئاوارەیی و نەهامەتیان بێت.

بە هەمو توانایەك پشتگیریی داخوازییەكانی خوشك و برایانی ئێزیدی دەكەم

 

مەسعود بارزانی، پەیامێکی بەبۆنەی هاتنەوەی جەژنی سەری ساڵی ئایینی ئێزیدی بڵاوکردوەتەوە و رایگەیاندوە" لە ساڵانی ڕابردودا خوشك و برایانی ئێزیدی بەهۆی زوڵم و تاوانی تیرۆریستان و ناحەزان ئێش و ئازارێكی زۆریان بینیوە كە لە مێژودا وێنەی نەبوە، لێرەدا ئەوە دوپاتدەكەمەوە كە بە هەمو توانایەك پشتگیریی داخوازییەكانی خوشك و برایانی ئێزیدی دەكەم".

پێویستە هەمو لایەك هاوكار بن، بۆئەوەی ئێزدییەکان بتوانن بڕیار لە چارەنوس و ئایندەی خۆیان بدەن و برینەكانیان ساڕێژ بكەن

 

لە پەیامەکەیدا دەڵێت، " پێویستە هەمو لایەك هاوكار بن، بۆئەوەی ئێزدییەکان بتوانن بڕیار لە چارەنوس و ئایندەی خۆیان بدەن و برینەكانیان ساڕێژ بكەن و كۆتایی بە ئاوارەیی و نەهامەتیان بێت".

سەرۆکی پارتی دیموکراتی کوردستان دەشڵێت:" لەو بۆنەیەدا خوشك و برا ئێزیدییەكان و هەمو پێكهاتەكانی تر لەوە دڵنیا دەكەمەوە كە كوردستان وڵاتی پێكەوەژیانە و دەبێ ئەو فەرهەنگە دەوڵەمەندە، بە برایەتی و تەبایی فراوانتر بكرێت".



Copyright © 2016 Xendan.org all rights reserved

designed and developed by AVESTA GROUP