هەواڵی ئەمڕۆ

ئەمریکا گەورە بەرپرسێکی داعشی کوشت

- 4/15/2019 11:06:00 PM 3985 جار خوێندراوەتەوە

خەندان- 
هێزەکانی ئەمریکا لەقاڕەی ئەفریقا لە راگەیەنراوێکدا ئاشکرایانکرد دوێنێ لەئەنجامی بۆمبارانکردنی چەند ئۆتۆمبێلێک لەلایەن فرۆکەکانیانەوە گەورە بەرپرسێکی رێکخراوی داعشیان کوشتوە.

بەپێی هەواڵێکی سی ئێن ئێن، فەرماندەیی هێزەکانی ئەمریکا لەقاڕەی ئەفریقا لە راگەیەنراوێکدا ئاشکرایانکرد دوێنێ لەئەنجامی بۆمبارانکردنی چەند ئۆتۆمبێلێک لەلایەن فرۆکە جەنگییەکانیانەوە عەبدولحەکیم دوقوبیان کوشتوە کە دوەمین بەرپرسی سەربازی داعشە و بەرپرسبوە لەچالاکی رۆژانەی رێکخراوەکە و پلانی هێرشکردن و سەرچاوەی مرۆیی.
پاش وەرگرتنی زانیاری هەواڵگری هێرشکراوەتە سەر ئۆتۆمبێلێکی گومانلێکراو 

هێرشە ئاسمانییەکەی ئەمریکا لەناوچەی باری سۆماڵ بوە و پاش وەرگرتنی زانیاری هەواڵگری هێرشکراوەتە سەر ئۆتۆمبێلێکی گومانلێکراو بەهۆیەوە ئەو بەرپرسە باڵایەی داعش کوژراوە.

بەپێی زانیارییەکانی وەزارەتی بەرگری ئەمریکا لقی رێکخراوی داعش لەسودان رێژەی ئەندامەکانیان زۆر نیەو و تەنها 150 شەڕکەریان هەیە لەئێستادا.


Copyright © 2016 Xendan.org all rights reserved

designed and developed by AVESTA GROUP