کەنەدا لەڕوی کواڵیتی ژیانەوە بەباشترین وڵاتی دونیا هەڵبژێردرا

- 4/8/2019 9:20:00 PM 14057 جار خوێندراوەتەوە


خەندان-

ماڵپەڕی یو ئێس نیوز توێژینەوەیەکی بۆ دەستنیشانکردنی باشترین وڵاتانی جیهان لەڕوی کواڵیتی ژیانەوە ئەنجامدا و تێیدا دەرکەوت کەنەدا باشترین کواڵیتی ژیانی تێدایە.

توێژینەوەکە بابەتەکانی ئاسایشی کار، سەقامگیری سیاسی، ئازادی تاک، کواڵیتی ژینگە، باری ئابوری، پەیوەندی خێزانی، بڕی داهات، ئاسایشی تاک، سیستمی پەروەردە و تەندروستی لەکەرتی حکومیدا لەبەرچاو گرتوە و بەدواداچونی زانستیانەی بۆکردوە.

بەهەمان شێوە ساڵی رابردوش کەنەدا پلەی یەکەمی لەکواڵیتی ژیاندا بەدەستهێنا و کەنەدییەکانی کردە خاوەنی شانازییەکی دیکە. 

بەپێی ئەنجامەکانی توێژینەوەکە پاش کەنەدا هەریەک لەوڵاتانی سوید و دانیمارک و نەرویج لەپلەکانی دوەم و سێیەم و چوارەمدان.

ئەوەی جێگای سەرنجە ئەمریکا کە خۆی بەخاوەنی بەهێزترین ئابوری و هێزی سەربازی جیهان دەزانێت لەپلەی 17 هەمدایە و چینیش لەپلەی بیستەمین وڵاتدایە.
بەپێی ئەنجامی توێژینەوەکە ریزبەندی وڵاتانی خاوەن کواڵیتی پێشکەوتوی ژیان بەمجۆرەبوە:
یەکەم/ کەنەدا
دوەم/ سوید
سێیەم/دانیمارک
چوارەم/نەرویج
پێنجەم/سویسرا
شەشەم/فینلەندا
حەوتەم/ئوستورالیا
هەشتەم/ هۆڵەندا
نۆیەم/ نیوزلەندا
دەیەم/ئەڵمانیا
یازدەیەم/بەلجیکا
دوازدەیەم/بریتانیا
سیازدەیەم/ژاپۆن
چواردەیەم/لوکسمبۆرگ
پازدەیەم/ئایرلەندا
شازدەیەم/فەرەنسا
حەڤدەیەم/ ئەمریکا 
هەژدەیەم/ سەنگاپورە
نۆزدەیەم/پورتوگال
بیستەم/چین

نیشانەکردن :

#كه‌نه‌دا

Copyright © 2016 Xendan.org all rights reserved

designed and developed by AVESTA GROUP