بەوێنە.. ئەو شارانەی لە لایەن دانیشتوانەكەیەوە چۆڵكراون

- 4/8/2019 1:51:00 PM 40552 جار خوێندراوەتەوە

خەندان-

هەمومان لە فیلمە سینەماییەكاندا ئەو شارانەمان بەرچاوكەوتوە كە هیچ كەسێكیان تێدا ناژی و بونەوەری سەیر و خەیاڵی و ترسناكیان تێدایە، وێنەكانی خوارەوە وێنەی ئەو شارانەیە كە هەموو هۆكارێكیان بۆ ژیان تیدایە بەڵام چۆڵن و كەسیان تێدا ناژی، زۆرینەی ئەو ناوچانەش هەمان ئەو شارە ترسناكانەن كە لە گرتەی فیلمە سینەماییەكاندا بەكاردەهێنرێن.

1.كایاكیۆی- توركیا
لە ساڵی 1923 ئەو شارە چۆڵكراوە و تا ئێستا كەس نازانێت دانیشتوانی ئەو شارە رویان لەكوێ كردوە، لە ئێستادا حكومەتی توركیا هاوشێوەی مۆزەخانەیەكی دێرین ئەو شارەی بەڕووی گەشتیاراندا كردوەتەوە.

2.كراكۆ- ئیتاڵیا
ئەم شارە لەسەر گردێكی باكوری ئیتاڵیایە و بەهۆی هەرەسهێنانی زەوی لە ساڵی 1963 و لافاو لە ساڵی 1972 و كۆتا جاریش لە ساڵی 1980دا روبەڕوی بومەلەرزە بوەوە، دۆخی كشتوكاڵ تێیدا بەرەو خراپی رۆشت و بوە هۆی ئەوەی دانیشتوانەكەی ئەو ناوچەیە جێبهێڵن، لە ئێستادا ئەو شارە بۆ گرتەی ناو فیلمە سینەماییەكان بەكاردێت.  

3. باڵچایت – ئیسپانیا
دێی باڵچایت دەكەوێـتە پارێزگای زاراگۆزا-ی ئیسپانیا، لە ساڵی 1937 بوە مەیدانی ململانێی نێوان هێزەكانی ژەنەراڵ فرانكۆس و سوپای كۆماری ئیسپانیا و بەوهۆیەوە دانیشتوانەكەی ناوچەكەیان بەجێهێشتوە، لە ئێستادا دێیەكی نوێ نزیك باڵچایت بنیادنراوە و باڵچایت وەكو یادەوەریەكی ئەو ململانێیە ماوەتەوە.

4.پرایپایات – ئۆكرانیا
دوای كارەساتی ئەتۆمی "چێرنۆبیڵ" كە نزیك ئەو شارە رویدا، بەهۆی ئەوەی رێژەی تیشكدانەوەی چەكە ئەتۆمیەكە كاریگەری زۆر گەورەی هەبوو، 500 هەزار دانیشتووی ئەو شارە ساڵی 1986 ماڵەكانیان بەجێهێشت.

5.ئۆكپۆ لاند – كۆریای باشور
ئۆكپۆلاند كە شارێكی یاریە و دەكەوێتە باشوری كۆریای باشورەوە، بەهۆی ئەوەی لە ساڵانی نەوەدەكان دوو حاڵەتی مردن تێیدا رویداوە، شارەكە داخراوە.

6.چایتن – چیلی
بوركانێكی بەهێز لە نزیك شاری چایتن لە ساڵی 2008 دا، بوە هۆی كۆچكردنی سەرجەم دانیشتوانی ئەو شارە بەرەو ناوچەكانی دیكەی وڵاتەكە، دوای ئەو بوركانە بێجگە لە ژمارەیەك خانوو هیچ شتێك لەو شارەدا نەماوە.

7. بۆدیی – ویلایەتە یەكگرتوەكانی ئەمریكا
دەكەوێتە ویلایەتی كالیفۆرنیا و پێشتر نزیكەی 2 هەزار باڵەخانە و 7 هەزار دانیشتوی لەخۆگرتوە بەڵام دوای ئەوەی سامانە كانزاییەكانی ئەو شارە بەرەبەرە بەرەو كەمبونەوە دەچوو، ساڵی 1940 لە لایەن دانیشتوانەكەیەوە بە بیانوی ئەوەی تارمایی"شەبەح" لێیە چۆڵكراوە.

8.كانگباشی – مەنگۆلیا
سەرەڕای ئەوەی ژمارەی دانیشتوانی ئەم شارە دەگاتە 20 هەزار كەس بەڵام حكومەتی مەنگۆلیا ئەم شارەی بۆ یەك ملیۆن كەس بنیادناوە و بەهۆی كەمی دانیشتوانەكەی و گەورەیی ناوچەكە كاتێك دەچیتە ئەو شارە هەستدەكەیت تەنهایت.

9.غونكانجیما – ژاپۆن
دورگەیەكی ژاپۆنیە و ناوچەیەك بوە بۆ وەبەرهێنان و بەكارهێنان و دوبارە وەبەرهێنانەوەی نەوت لە چلەكانی سەدەی رابردودا، بەڵام بە بڕیارێكی حكومەتی ژاپۆن وەبەرهێنانی وزە لەڕێگەی مادە نەوتیەكانەوە وەستێندرا و پاشماوەكان ئەو دورگەیەیان كردوەتە دورگەی تارماییەکان "شبح".

10.ڤارۆشا – قبرس
دوای ئەوەی هێزە سەربازیەكانی توركیا لە ساڵی 1970دا نیوەی ئەو دورگە جێناكۆكەیان داگیركرد، دانیشتوانی دورگەكە لەو جەنگە رایانكرد و هەرگیز نەگەڕانەوە شوێنەكانیان، بەو هۆیەوە هۆتێلەكان چۆڵن و دەریاكانیش بونەتە بیابان.

 



Copyright © 2016 Xendan.org all rights reserved

designed and developed by AVESTA GROUP