خشتەی دابەشکردنی موچەی ئەم هەفتەیەی فەرمانبەران

- 4/6/2019 9:46:00 AM 196931 جار خوێندراوەتەوە

خەندان-

دوای تێپەڕبونی زیاتر لە چوار مانگی ساڵی 2019 بڕیارە سبەی یەکشەممە دابەشکردنی موچەی مانگی یەکی ئەمساڵ دەستپێبکات.

سه‌رچاوه‌یه‌ك لە وەزارەتی دارایی و ئابوری حکومەتی هەرێمی کوردستان بە خەندان-ی راگەیاند، سبەی یەکشەممە دابەشکردنی موچەی مانگی یەکی ئەمساڵ دەستپێدەکات و وه‌زاره‌تی پێشمه‌رگه‌ش وەک یه‌كه‌م وەزارەت موچه‌ وه‌رده‌گرێت.

ئاماژەی بەوەشکرد، سبەی موچه‌ی لیواكانی وه‌زاره‌تی پێشمه‌رگه‌ و دیوانی وه‌زاره‌تی پێشمه‌رگه‌ دابەشدەکرێت، رۆژی‌ دووشه‌ممه‌ش موچەی یه‌كه‌کانی‌ 70و 80ی پێشمەرگە دابەشدەکرێت.

سەرچاوەکە راشیگەیاند، بەهۆی پشوەوە رۆژی سێشەممە موچە دابەشناکرێت، رۆژی چوارشەممەش موچه‌ی‌ وه‌زاره‌تی‌ په‌روه‌رده‌ دابه‌شده‌كرێت و رۆژی پێنجشه‌ممه‌ش موچه‌ی وه‌زاره‌تی ته‌ندروستی و دارایی دابه‌ش ده‌كرێت.

دواکەوتنی موچەی مانگی یەکی ئەمساڵ لەکاتێکدایە حکومەتی هەرێمی کوردستان بڕیاریداوە سیستی پاشەکەوتی موچەی فەرمانبەران هەڵبگرێت، کە ساڵی 2016 بەسەر موچەخۆراندا سەپاندی و مانگانە بڕێک لە موچەی موچەخۆرانی پاشەکەوت دەکرت.

بڕیاری پاشەکەوتی موچەی فەرمانبەران بەمەبەستی "کەمکردنەوەی خەرجی و زیادکردنی داهات" بو، بەتایبەت دوای بڕیاری فرۆشتنی نەوتی هەرێمی کوردستان بەسەربەخۆ و دابەزینی نرخی نەوت بۆ خوار 30 دۆلار.


Copyright © 2016 Xendan.org all rights reserved

designed and developed by AVESTA GROUP