سەرۆک کۆمار و پاشای ئوردن کۆبونەوە

- 3/30/2019 10:55:00 PM 2180 جار خوێندراوەتەوە

خەندان-

‎ئێوارەی ئەمڕۆ شەممە 30-3-2019 لە میانی کارەکانی خولی سێیەمین کۆنگرەی لوتکەی عەرەبی لە وڵاتی تونس سەرۆک کۆمار د. بەرھەم ساڵح و شا عەبدوڵای دوەم کۆبونەوە، سەبارەت بە دواپێشھات و گۆڕانکارییەکانی ناوچەکە گفتوگۆیانکرد. 

‎لە میانی کۆبونەوەکەدا باسیان لە بەھێزکردنی پەیوەندییە دوقۆڵییەکانی نێوان عێراق و ئوردن و چۆنیەتی بەرەوپێشبردنی کرد، بەجۆرێک لە بەرژەوەندی ھاوبەشی ھەردو گەلی دۆستدا بێت، ھاوکات ھەردولا بە پێویستیان زانی ھەڵوێستەکان یەکخەن سەبارەت بە پێشھاتەکانی ناوچەکە و دۆزینەوەی رێگا چارەی گونجاو کە ببێتە مایەیی خزمەتکردنی سەرجەم گەلانی ناوچەکە.

‎ھەر لە دیدارەکەدا گفتوگۆکرا لە بارەی دەرەنجامەکانی لوتکەی سێ قۆڵی کە لە نێوان ھەر سێ وڵاتی عێراق و ئوردن و میسر ئەنجامدرا.


Copyright © 2016 Xendan.org all rights reserved

designed and developed by AVESTA GROUP