تورکیاو روسیا چاودێری ناوچە سنورییەکانی کورد لەسوریا دەکەن

- 3/26/2019 5:22:00 PM 3171 جار خوێندراوەتەوە

خەندان-

وەزارەتی بەرگری تورکیا رایگەیاند، یەکەم ئۆپەراسیۆنی چاودێریکردنی ناوچە کوردییەکانی سوریایان بەهاوبەشی لەگەڵ هێزەکانی روسیا دەستپێکرد.

 یەکەم ئۆپەراسیۆنی هاوبەشی نێوان هێزەکانی تورکیا و سوریا لەناوچەی تەل رەفعەتی رۆژهەڵاتی عەفرین لەسەر سنوری تورکیا دەستیپێکردوە

 

بەپێی هەواڵێکی ئاژانسی رۆیتەرز، ئەمڕۆ سێ شەممە لەراگەیەنراوێکدا وەزارەتی بەرگری تورکیا بڵاویکردەوە، یەکەم ئۆپەراسیۆنی هاوبەشی نێوان هێزەکانی تورکیا و سوریا لەناوچەی تەل رەفعەتی رۆژهەڵاتی عەفرین لەسەر سنوری تورکیا دەستیپێکردوە.

 

ناوچەی تەل رەفعەت ناوچەیەکی کوردنشینە و تا ساڵی رابردوش لەژێر کۆنترۆڵی هێزەکانی یەپەگەدابو کە تورکیا بەرێکخراوێکی تیرۆرستی دەزانێت، دواتر لەلایەن هێزەکانی تورکیا و هاوپەیمانی سوریای ئازاد کۆنترۆڵکرا.

ئۆپەراسیۆنەکە بەمەبەستی سەقامگیری و پاراستنی هێزەکانیان لەناوچەکە دەستیپێکردوە

 

لەراگەیەنراوەکەی وەزارەتی بەرگری تورکیادا کە بە ئۆپەراسیۆنی هاوبەش و سەربەخۆ ناویبردوە ئاماژە بەوەکراوە، ئۆپەراسیۆنەکە بەمەبەستی سەقامگیری و پاراستنی هێزەکانیان لەناوچەکە دەستیپێکردوە.
 
پێشتر هێزەکانی تورکیا دو ئۆپەراسیۆنی سنور بەزاندنیان لەناوخاکی سوریا دژی هێزەکانی یەپەگە دەستپێکردبو کە تورکیا بە گروپێکی سەربە پارتی کرێکارانی کوردستان( پەکەکە)یان دەزانێت.



Copyright © 2016 Xendan.org all rights reserved

designed and developed by AVESTA GROUP