پۆلیسی سلێمانی: ژنێك بە چەقۆ كوژراو دوو كەسیش دەستگیركران

- 3/23/2019 1:12:00 PM 8454 جار خوێندراوەتەوە

خەندان-

پۆلیسی سلێمانی رایگەیاند، لە گەڕەکی مامەیارەی شاری سلێمانی ژنێکی عەرەب "بە چەقۆ کوژراوە" و دوای روداوەکەش دوو کەس دەستگیرکراون.

پۆلیسی سلێمانی لە راگەیەندراوێکدا رایگەیاندوە، دوێنێ هەینی ٢٢-٣-٢٠١٩ لە گەڕەکی مامەیارەی سلێمانی ژنێکی تەمەن ٢٨ ساڵانی بە رەگەز عەرەب لە ماڵەکەی خۆیدا "بە چەقۆ كوژرا".

ئاماژە بەوەشکراوە، دوای گەیشتنی هێزەكانی پۆلیس و تیمەكانی بەشی پۆلیسی بەڵگەی تاوان هێڵكاری شوێنی ڕوداوەكە كراو تەرمی كوژراوەكە بۆ پزیشكی دادوەری لەشاری سلێمانی گواسترایەوە.

پۆلیسی سلێمانی دەڵێت، هێزەكانی بنكەی پۆلیسی سەیوان لێکۆڵینەوەیان لە روداوەکە کردوەو بەهۆی ئەو روداوەوە دوو کەس دەستگیرکراون کە یەکێکیان عەرەبە و ئەوەی دیکەشیان کوردە.

رونیشکراوەتەوە، ژنەكە خێزاندارەو لەکاتی روداوەکەدا هاوسەرەکەی و کەسوکاری لە دەرەوەی ماڵەکەیان بون.

نیشانەکردن :

#سلێمانی

Copyright © 2016 Xendan.org all rights reserved

designed and developed by AVESTA GROUP