کۆبونەوەی سێ سەرۆکایەتییەکەی عێراق دەستیپێکرد

- 3/22/2019 6:47:00 PM 3784 جار خوێندراوەتەوە

خەندان-

کۆبونەوەی سێ سەرۆکایەتییەکەی عێراق لە کۆشکی سەلام لە بەغدا دەستیپێکرد، سەبارەت بە لێکۆڵینەوە و گرتنەبەری رێوشوێنی پێویست لەسەر ئەو بەلەمەی لە روباری دیجلەدا نقومبو کە بە هۆیەوە زیاتر لە 100 هاوڵاتی گیانیانلەدەستدا.

 

دوێنێ پێنجشەممە لە ناوچەیەكی گەشتیاری لە سەر روباری دیجلە لە شاری موسڵ، لەكاتی گواستنەوەی هاوڵاتیان بۆ ئەوبەری روبارەكە، بەلەمێكی گەشتیاری نوقومبو، لە ئەنجامدا زیاتر لە 100كەس گیانیان لەدەستدا و وێڕای رزگاركردنی زیاتر لە 50 هاوڵاتی دیكە تاكو ئێستا نزیكەی 50 كەسی دیكەش بێسەروشوێنن.

ئەمڕۆش سەرۆک کۆمار پشوی نەورۆزی پچڕاند و بەسەردانێکی کتوپڕ گەیشتە موسڵ و شوێنی کارەساتەکە و کەسوکاری قوربانیەکانی كارەساتی نقومبونی بەلەمەكە بەسەرکردەوە.

سەرچاوەیەکیش بۆ خەندان وتی، سەرۆك بەرهەم دەیەوێت خۆی بە وردی چاودێری لێكۆڵێنەوەكان بكات و هەر كەس و لایەنێك كەمتەرخەم بوبێت روبەروی یاسا دەبێتەوە، لە نزیكیشەوە چاوی بە كەسوكاری قوربانییەكان کەوت.



Copyright © 2016 Xendan.org all rights reserved

designed and developed by AVESTA GROUP