سەرۆک وەزیران و وەزیری تەندروستی عێراق گەیشتنە موسڵ

- 3/21/2019 9:49:00 PM 4950 جار خوێندراوەتەوە


خەندان-

سەرۆک وەزیران و وەزیری تەندروستی عێراق گەیشتنە موسڵ بە مەبەستی پشتیوانیکردنی راستەوخۆی کەسوکاری قوربانیانی نقومبونی بەلەمێکی گەشتیاری لە موسڵ کە بەهۆیەوە زیاتر لە 80 هاوڵاتی برینداربون.

ئێوارەی ئەمڕۆ عادل عەبدولمەهدی سەرۆک وەزیرانی عێراق و عەلا علوان وەزیری تەندروستی عێراق سەردانی شاری موسڵیان کرد بە مەبەستی لە نزیکەوە چاودێریکردنی بەڕێوەچونی کاروبارەکانی فریاگوزارییە سەرەتاییەکان لەبارەی روداوە کارەساتبارەکەی موسڵەوە.

خەندان زانیویەتی ئەم سەردانە دوای راوێژکردن لەگەڵ سەرۆک کۆماری عێراق دێت.

ئەمڕۆ پێنجشەممە، بەلەمێکی گەشتیاری لە روباری دیجلەدا بە زیاتر لە 100 سەرنشینەوە نقوم بو، كە بوە هۆی گیانلەدەستدانی زیاتر لە 80 هاوڵاتی و بێسەروشوێنبونی ژمارەیەک هاوڵاتی دیکەش.


Copyright © 2016 Xendan.org all rights reserved

designed and developed by AVESTA GROUP