خەندان-

جێگری یەکەمی سکرتێری گشتی یەکێتی نیشتمانی کوردستان رایگەیاند، وەک یەكێتی  ئامادەیی تەواوی خۆیان دەردەبڕن بۆ هەمو جۆرە هاوكارییەكی كەسوكاری قوربانیانی ئەم روداوە جەرگبڕە.
‎ 
‎كۆسرەت ڕەسول عەلی جێگری سكرتێری گشتی یەكێتی نیشتمانی كوردستان پەیامێکی سەرەخۆشی بۆ  نقومبونی بەلەمەکەی موسڵ بڵاوکردەوەو رایگەیاند، "زۆر بەداخەوە، ئەمڕۆ لە یەكەم ڕۆژی بەهار و لە ساتی دەربڕینی خۆشی و شادی هاونیشتمانیان بەبۆنەی جەژنی نەورۆز و سەری ساڵی كوردییەوە، هەواڵی ژێرئاوكەوتنی بەلەمێكی گەشتیاری لە روباری دیجلە لەشاری موسڵ هەمومانی خەمبار و دڵتەنگ كرد".

‎لە پەیامەکەیدا دەڵێت، وەك یەكێتی نیشتمانی كوردستان ئامادەیی تەواوی خۆمان دەردەبڕین بۆ هەمو جۆرە هاوكارییەكی كەسوكاریان و بریندارانی ئەم روداوە جەرگبڕە".