کتێبێکی ئۆجەلان لە پێشانگایەکی ئەڵمانیا نمایش دەکرێت

- 3/21/2019 11:54:00 AM 2220 جار خوێندراوەتەوە

خەندان-

کتێبێکى عەبدوڵا ئۆجەلان بەناونیشانی "شارستانیەتى کاپیتالیست، سەردەمی خواوەندە دەمامکدارەکان و پاشا دەموچاو هەڵپێچراوەکان" وەرگێڕدراوەتە سەر زمانى ئەڵمانی و لە پێشانگاى کتێبى لایپزیگی ئەو وڵاتەدا دەخرێتە بەردەستى خوێنەران.

بەپێی فورات نیوز، تێڕامانی عەبدوڵا، رێبەری زیندانیکراوی پارتی کرێکارانی کوردستان (پەکەکە) لە نێوان ساڵانى 2007-2010دا بە ناوی "مانیفیستۆی شارستانیى دیموکراتیک" خرابوە بەردەستى خوێنەران. بەرگی یەکەمی ئەو مانیفیستۆیە لە ساڵی 2017دا لەلایەن رایمار حەیدەرەوە وەرگێڕدرابوە سەر زمانى ئەڵمانى.
کتێبەکەی ئۆجەلان ئەمڕۆ دەخرێتە بەردەستى خوێنەرانى ئەڵمانی

 

بەرگی دووەمی کتێبى "شارستانیەتى کاپیتالیست، سەردەمی خواوەندە دەمامکدارەکان و پاشا دەموچاو هەڵپێچراوەکان" (Die kapitalistische Zivilisation: Unmaskierte Götter und nackte Könige) لە نەورۆزی ئەمساڵ دا دەخرێتە بەردەستى خوێنەرانى ئەڵمانیا.
ئۆجەلان بۆچونێکى زانستیى هاچەرخانە لەبارەی پێوەری سیستمى ئەخلاقی رۆشنبیری و کولتوری و ئایدۆلۆژیاى نوێ دەخاتەڕو

 

کتێبەکە لەلایەن دەزگاى چاپ و پەخشی ئونراست-ەوە چاپکراوە، ئۆجەلان لە کتێبەکەیدا بۆچونێکى زانستیى هاچەرخانە لەبارەی پێوەری سیستمى ئەخلاقی رۆشنبیری و کولتوری و ئایدۆلۆژیاى نوێ دەخاتەڕو، ئەمڕۆش بۆ یەکەمجار لە پێشانگای کتێبى لایپزیگ-ی نیشتمانی دا نمایش دەکرێت.

پێشانگای کتێبی لایپزیگ یەکێکە لە گرنگترین چالاکییەکانی بواری کتێب و پێشانگاکانى کتێب لە ئەڵمانیادا و ئەمڕۆ دەست بەکارەکانى دەکات.

نیشانەکردن :

#ئۆجەلان #ئه‌ڵمانیا

Copyright © 2016 Xendan.org all rights reserved

designed and developed by AVESTA GROUP