هەواڵی ئەمڕۆ

بەپەلە

پارتی بەشداری ناکات
لایەنەکان لە کەرکوک ئاگری نەورۆز دەکەنەوە

- 3/20/2019 12:27:00 PM 4499 جار خوێندراوەتەوە

خەندان

ئەمڕۆ لە شاری کەرکوک بەشێکی زۆری لایەنە سیاسیەکان ئاگری نەورۆز دەکەنەوە، بەڵام پارتی دیموکراتی کوردستان رای جیاوازی هەیەو دەڵێت، بەشداری بۆنەیەک ناکەین لە شوێنێکدا کە "بارەگاکانمان داگیرکرابێت".

ئاگری نەورۆز ئەمڕۆ لەسەر قەڵای کەرکوک دەکرێتەوە و بەشێکی زۆری لایەنە سیاسیەکان دەڵێن، بەشداری یادەکە دەکەن جگە لە پارتی دیموکراتی کوردستان کە لە دوای روداوەکانی 16ی ئۆکتۆبەرەوە هیچ بارەگایەکیان لە شارەکەدا نەماوە.

جوان زه‌نگه‌نه‌، ئه‌ندامى فراکسیۆنی یەکگرتوو لە ئه‌نجومه‌نى پارێزگاى كه‌ركوك بە خەندان-ی راگەیاند، ئەمساڵیش هاوشێوەی ساڵانی ربردو ئاگری نەورۆز لە شاری دەکرێتەوە و لایەنەکان بەشداری تیادا دەکەن.
 کردنەوەی ئاگری جەژنی نەورۆز مۆڵەتی بۆ وەرگیراوە

 

سەبارەت بە دروستبونی کێشە بۆ ئاگرکردنەوەی نەورۆز و هەڵکردنی ئاڵای کورد لە شارەکە زەنگەنە وتی، وەک هەمو بۆنە فەرمییەکانی دیکە ئاگرکردنەوەی نەورۆزیش مۆڵەتی بۆ وەرگیراوە لە لایەنە پەیوەندیدارەکان، بۆیە هیچ کێشەیەک دروست نابێت.

هاوکات رەوەند مەلا مەحمود، جێگری لێپرسراوی مەڵبەندی یەکێتی لە کەرکوک بە خەندان-ی راگەیاند، کاتژمێر 3:00ی پاشنیوەڕۆی ئەمڕۆ ئاگری نەورۆز لەسەر قەڵای کەرکوک دەکرێتەوە.
وەک پارتی بەشداری هیچ یاد و مەراسیمێک ناکەین چونکە بارەگاکانمان داگیرکراوە

 

لایخۆشیەوە محەمەد خورشید، بهرپرسی لقی 3ی پارتی دیموکراتی کوردستان بە خەندان-ی راگەیاند، ئەوان وەک پارتی بەشداری هیچ یاد و مەراسیمێک ناکەن، چونکە دوای روداوەکانی 16ی ئۆکتۆبەر بارەگاکانی پارتی "داگیرکراوە"، تائێستا بە نیسبەت پارتییەوە بارودۆخەکە ئاسایی نەکراوەتەوە، لەلایەکی دیکە فشارێکی زۆر لەسەر لایەنە کوردستانییەکان هەیە.

ئاماژەی بەوەشکرد، "کاتێک بارەگاکەمان داگیرکرابێت، چۆن لە بۆنە فەرمییەکاندا بەشداری دەکەین، ئەوە رایەکی رونی پارتی دیموکراتی کوردستانە تا بارودۆخ ئاسایی نەبێتەوە بەشداری هیچ بۆنەیەک ناکەین".

نیشانەکردن :

#كه‌ركوك #نه‌ورۆز

Copyright © 2016 Xendan.org all rights reserved

designed and developed by AVESTA GROUP