گرانترین شارەکانی جیهان ئاشکراکران

- 3/19/2019 10:31:00 PM 10550 جار خوێندراوەتەوە

خەندان-

 

توێژینەوەیەکی نوێ گرانترین شارەکانی جیهان ئاشکرایدەکات و تێیدا هاتوە هەریەک لەشارەکانی سەنگافورە و پاریس و هۆنکۆگ لەپلەی یەکەم و دوەم و سێیەمدان.

شاری سەنگافورە و پاریس و هۆنکۆنگ لەپلەکانی یەکەمدادێن

 

بەپێی راپۆرتێکی تۆڕی هەواڵی بی بی سی، یەکەی توێژینەوەی ماڵپەڕی ئیکۆنۆمست ساڵانە لەچوارچێوەی توێژینەوەکانیدا راپرسی دەرباوەی گرانترین شارەکانی جیهان ئەنجامدەدات و بەپێی راپۆرتی ئەمساڵیش شاری سەنگافورە و پاریس و هۆنکۆنگ لەپلەکانی یەکەمدادێن.

پاریسی پایتەختی فەرەنسا ساڵی رابردوش دوەمین گرانترین شاری جیهان بوە و یەکێکە لەو چوار شارە ئەوروپیەی کە لە دە یەکەمین گرانترین شارەکانی دونیان.

 توێژینەوەکە بەراوردی بەرزبونەوەی و هاتنەخوارەوەی نرخی کەلوپەل و شتومەکانی لە133 شاری جیهاندا کردوە و وەک توێژەران دەڵێن ئامانج لەتوێژینەوەکە یارمەتیدانی کۆمپانیاکانە تا تێچوی پرۆژەکانیان لەشارەکاندا بزانن.
ئەو شارانەی کە شتومەکەکانیان هەرزانە ئەوانەن کە کێشەی شەڕی ناوخۆ و قەیرانی ئابوری و ئاسایشیان هەیە و داهات تیایاندا کەمە و بەهۆیەوە خەرجی هاوڵاتیان کەمدەبێتەوە

توێژینەوەکە ئەوەشی ئاشکراکردوە، ئەو شارانەی کە شتومەکەکانیان هەرزانە ئەو شارانەن کە کێشەی شەڕی ناوخۆیی و قەیرانی ئابوری و ئاسایشیان هەیە و داهات تیایاندا کەمە و بەهۆیەوە خەرجی هاوڵاتیان کەمدەبێتەوە.

 

هاوکات توێژینەوەکە بەراوردی نرخی 160 کەلوپەلی لەجۆری خواردن و خواردنەوە و تێچوی گواستنەوە و کەلوپەلی ناوماڵ و پسوڵەی خزمەتگوزارییەکان و کرێی دوکان و ماڵی کردوە.

کاراکاسی پایتەختی ڤەنزویلا و دیمەشقی پایتەختی سوریا و نیودلهی هندستانیش لە هەرزانترین شارەکانی جیهانن

 

ئەوەش ئاشکراکراوە، ژمارەی ئەو شارانەی کە نرخەکانیان هەرزانە لەزیادبوندا بەهۆی ناسەقامگیری سیاسی و ئابورییەوە.

کاراکاسی پایتەختی ڤەنزویلا و دیمەشقی پایتەختی سوریا لە هەرزانترین شارەکانی جیهانن و نیودلهی هندستانیش لە ڕیزبەندی هەرزانترین شارەکانی جیهاندایە.


نیشانەکردن :

#فه‌ڕه‌نسا

Copyright © 2016 Xendan.org all rights reserved

designed and developed by AVESTA GROUP