لە ساڵڕۆژی کیمیابارانکردنی هەڵەبجە چەند چالاکییەک لە هەولێر بەڕێوەدەچێت

- 3/16/2019 11:14:00 AM 875 جار خوێندراوەتەوە

خەندان  ـ شەوکەت قادر

ئەمڕۆ شەممە لە هەولێری پایتەخت لە ساڵڕۆژی کیمیابارانکردنی شاری هەڵەبجەدا چەند چالاکیەک بەڕێوەدەچێت.

بەپێی ڕاگەیەنراوێکی پارێزگای هەولێر، ئەمڕۆ شەممە 16ى ئاداری 2019 لە ساڵڕۆژى 31  ساڵەى تاوانى كیمیابارانى شارى هەڵەبجە و لەمیانەى چالاكییەكانى 11هەمین ڤیستیڤاڵى ئازادى و نەورۆز چەند چالاکییەک بەڕێوەدەچێت.

لە کاتژمێر 10:00ی بەیانی لە پاڕکی شار بەرامبەر قەڵا نمایشێکی شانۆی سەر شەقام تایبەت بەو یادە لەلایەن هونەرمەندانی شاری هەولێر پێشکەش کرا، دواتریش لە كاتژمێر 11:05 خولەک بۆ ماوەی پێنج خولەک بۆ ڕێزگرتن لە قوربانیانی تاوانی کیمیابارانکردنی هەڵەبجە هەموو جموجۆڵێک دەوەستێت.

لە راگەیەندراوەکەی پارێزگاری هەولێردا هاتوە، لە کاتژمێر 11:30 خولەکی پێشنیوەڕۆ لە پاڕکی شانەدەر لەلایەن گروپی خۆبەخشان دوەمین ڤیستیڤاڵی خوێندنەوە بەڕێوەدەچێت و کۆمەڵێک چالاکی ڕۆشنبیری و کلتوری ئەنجام دەدرێت.

هەروەها بۆ زیاتر هاندانی خوێندنەوە شەش هەزار کتێب بەناونیشانی جیاجیا لەسەرجەم بوارەکاندا بەخۆڕایی دابەش دەکرێن.


نیشانەکردن :

#هەولێر #هەڵەبجە

Copyright © 2016 Xendan.org all rights reserved

designed and developed by AVESTA GROUP