بەپەلە

ژمارەی كوژراو و بریندارانی هێرشی سەر مزگەوتەكانی نیوزلەندا بۆ 97 كەس بەرزبویەوە

- 3/15/2019 11:25:00 AM 14041 جار خوێندراوەتەوە

خەندان-

دوای ئەوەی بەرەبەریانی ئەمڕۆ هەینی هێرشی چەكداری كرایە سەر دو مزگەوت لە نیوزلەندا، پۆلیس رایگەیاند كە ژمارەی كوژراو و برینداران گەیشتۆتە 97 كەس.

بەپێی ئاژانسی ناوخۆیی ئەو وڵاتە، دواین ئاماری قوربانیانی هێرشەكانی سەر دو مزگەوتەكەی نیوزلەندای گەیشتۆتە 49 كوژراو و 48 بریندار.

كەسێكیان دەستگیركردوە كە لە رێگەی چەکێکەوە هەڵیکوتاوەتە سەر مزگەوتی ئەلنور

 

پۆلیسی نیوزلەندا راشیگەیاندوە، كەسێكیان دەستگیركردوە كە لە رێگەی چەکێکەوە هەڵیکوتاوەتە سەر مزگەوتی ئەلنور لەسەنتەری شاری کریست چەرچ و دەستڕێژی گولـلەی لە خەڵکی نێو مزگەوتەکە کردوە، هەر لە هەمانکاتدا هێرشێکی دیکە بۆسەر مزگەوتێکی دیکە لە هەمان شار ئەنجامدراوە.

ئامادەنین لەئێستادا زانیاری لەسەر هێرشكارەكان بخەنەرو

 

پۆلیسی نیوزلەندا ئەوەشی راگەیاندوە كە ئامادەنین لەئێستادا زانیاری لەسەر هێرشكارەكان بخەنەرو، بەڵام سێ پیاو و ئافرەتێك بە تۆمەتی دەستهەبون لەو كارەدا دەستگیركراون.

لە دوای روداوەكە سەرۆكوەزیرانی نیوزلەندا، جاسیندا ئاردین لە كۆنگرەیەكی رۆژنامەوانیدا رایگەیاند"ئەمڕۆ یەكێكە لە تاریكترین رۆژەكانی نیوزلەندا".


نیشانەکردن :

#نیوزلەندا

Copyright © 2016 Xendan.org all rights reserved

designed and developed by AVESTA GROUP