وێنەی هێرشكارەكە و ڤیدیۆی تەقەكردنەكەی لە یەكێك لە مزگەوتەكانی نیوزلەندا

- 3/15/2019 10:03:00 AM 107757 جار خوێندراوەتەوە

خەندان -

بەرەبەیانی ئەمڕۆ هەینی، لە ناوەڕاستی شاری كریست چەرچ لە نیوزلەندا دو هێرشی چەكداری كرایە سەر دو مەزگەوت و بەو هۆیەوە 40 كەس كوژران و 17ی دیكەش برینداربون.

لە دوای روداوەكە سەرۆكوەزیرانی نیوزلەندا، جاسیندا ئاردین رایگەیاندوە"یەكێكە لە تاریكترین رۆژەكانی نیوزلەندا".

سەرۆكوەزیرانی نیوزلەندا پشتڕاستیكردەوە كە بەهۆی ئەو هێرشانەوە 40 كەس كوژراون و 17 كەسی دیكەش برینداربون.

لەلایەكی دیكەوە سەرۆكوەزیرانی ئوسترالیا رایگەیاند: كە هێرشكاری سەر هەردو مزگەوتەكەی نیوزلەندا هاوڵاتی ئوسترالیایە و تیرۆرسیتێكی راستڕەوە.

هێرشكارەكە پێش ئەوەی هێرش بكاتە سەر یەكێك لە مزگەوتەكان وێنەیەكی سێلڤی خۆی لەناو ئۆتۆمبێلەكەی بڵاوكردۆتەوە.

لەلایەكی دیكەوە بەپێی گرتەیەكی ڤیدیۆیی كە لە تۆڕی جیهانی یوتیوب بڵاوكراوەتەوە، هێرشكارەكە كاتێك لە سەیارەكەی دادەبەزێت و دەچێتە ناو مزگەوتەكە، بەشێوەیەكی هەڕەمەكی تەقە دەكات.

 


نیشانەکردن :

#نیوزلەندا

Copyright © 2016 Xendan.org all rights reserved

designed and developed by AVESTA GROUP