هەواڵی ئەمڕۆ

ئیدلیب؛ بەهۆی هێرشی ئاسمانیەوە 13 كەس گیانیانلەدەستدا

- 3/14/2019 10:13:00 PM 1583 جار خوێندراوەتەوە

خەندان-

لە پارێزگای ئیدلیب-ی باكوری رۆژئاوای سوریا،  لە ئەنجامی هێرشەكانی سوریا و روسیادا لەو ناوچەیە لانیكەم 13 كەس گیانیانلەدەستدا.  

بەپێی ناوەندی سوری بۆ مافەكانی مرۆڤ، لە ئەنجامی هێرشەكانی روسیا و سوریا لە پارێزگای ئیدلیب-ی باكوری رۆژئاوای سوریا 13 هاوڵاتی گیانیانلەدەستداوە و ژمارەیەكی دیكەش برینداربون.

ئێوارەی دوێنێ چوارشەممە و ئەمرۆ پێنجشەممە، ژماریەك تۆماری ڤیدیۆیی لە تۆڕە كۆمەڵایەتیەكاندا بڵاوبونەتەوە، تێیدا ژمارەیەك كەس بە بەرگی هێزە مەدەنیەكانەوە تایبەت بە (كڵاوەزرێ سپیەكان) كە هێزی فریاكەوتنی مرۆیی ئەو ناوچەیەن دەركەوتون، كە لەژێر باڵەخانە و خانوە روخاوەكاندا لە هەوڵی رزگاركردنی برینداراندان.

لە یەكێك گرتە ڤیدیۆییەكاندا، بریندارێك ئاماژە بەوەدەدات، هێرشە ئاسمانیەكان گرتوخانەیەكیان لەو پارێزگایە بەئامانجگرتوە و لەكاتێكدا بەهۆی ئەو هێرشانەوە دەیان زیندانی هەڵهاتون، ژمارەیەك لە پاسەوان و زیندانیان-یش گیانیان لەدەستداوە.

ئەوە لە كاتێكدایە، توركیا و روسیا  لە بەرواری 17ی ئەیلولی ساڵی رابردودا رێككەوتنێكیان ئەنجامداوە، كە تێیدا لەبارەی بنیادنانی ناوچەیەكی بێچەك لە نێوان ناوچەكانی ژێردەستی ئۆپۆزسیۆنی سوریا و ناوچەكانی ئیدلیب بڕیاردراوە. 

 

نیشانەکردن :

#ئیدلیب #سوریا

Copyright © 2016 Xendan.org all rights reserved

designed and developed by AVESTA GROUP