بەپەلە

پەرلەمانی بریتانیا دەنگیدا بە دواخستنی برێكزیت

- 3/14/2019 8:22:00 PM 2340 جار خوێندراوەتەوە

خەندان-
كەمێك پێش ئێستا پەرلەمانی بریتانیا دەنگیدا بە دواخستنی رێككەوتنی برێكزیت تایبەت بە دەرچون لە یەكێتی ئەوروپا.
ئەمشەو پەرلەمانی بریتانیا دژی ئەنجامدانی گشتپرسی دوەم وەستایەوە، لە هەمانكاتدا دەنگدان بۆ داواكارییەكەی سەرۆكوەزیرانی ئەو وڵاتە ئەنجامدرا كە داوای كردبو رێككەوتنی برێكزیت بۆ 30 حوزەیران دوابخرێت.

دوای ئەوەی دەنگدان دەستیپێكرد، 412 ئەندام دەنگیاندا بە دواخستنی رێككەوتنەكە بۆ 30 ی حوزەیران و 202 پەرلەمانتاریش لەگەڵ ئەوە نەبون رێككەوتنەكە دوابخرێت.

پێشتر تێرێزا مەی لە سێیەم هەوڵیدا بۆ بەئەنجامگەیاندنی رێككەوتنامەی برێكزیت، پلانی دواخستنی برێكزیت بۆ 30 مانگی حوزەیرانی ئەمساڵ پێشكەش بە پەرلەمان كرد.

مەی هۆشداریدا ئەگەر جارێكی دیكە رێككەوتنەكە رەدبكرێتەوە، پێویست بە دواخستنێكی دیكە ناكات.

پارتی كرێكارانی بریتانیا، كە بە هێزترین پارتی ئۆپۆزسیۆنی ئەو وڵاتەیە دژی ئەوەبو جارێكی دیكە ریفراندۆم بكرێت بۆ دەرچون لە یەكێتی ئەوروپا. 

شەوی رابردوش، لەكۆی 599 پەرلەمانتار 321 پەرلەمانتار بە زۆرینەی دەنگ لە دژی بریاری برێكزیت بێ رێككەوتن لە یەكێتی ئەوروپا دەنگیاندا.

 

 



Copyright © 2016 Xendan.org all rights reserved

designed and developed by AVESTA GROUP