نرخی نەوتی خاو لەمساڵدا گەیشتە بەرزترین ئاست

- 3/14/2019 9:46:00 AM 4078 جار خوێندراوەتەوە

خەندان-

نرخی نەوتی خاو ئەمڕۆ پێنجشەممە  لە بازاڕەکانی جیهان بەرزبوەوە و گەیشتە بەرزترین ئاست لەمساڵدا.

بەپێی ئاژانسی هەواڵی رۆیتەرز، بەهۆی بەردەوامی کەمکردنەوەی نەوتی ئۆپێک لە بازاڕەکانی جیهان و بەردەوامی سزاکانی سەر ئێران و ڤەنزوێلا، ئەمڕۆ نرخی نەوتی خاوی برێنت بەرزبوەوە و بەرزترین ئاستی خۆی لەمساڵدا تۆمارکرد.

نرخی یەک بەرمیل نەوتی خاوی برێنت گەیشتە 67.80 دۆلار کە بەرزترین ئاستیەتی لەساڵی 2019دا، بەوەش نرخی هەر بەرمیلێک 20 سەنت چوەتە سەر نرخەکەی کە رێژەی لەسەدا 0.3 دەکات.

هۆکارێکی دیکەی بەرزبونەوەی نرخی نەوت، بەپێی بۆچونی بازرگانانی نەوت، کەمبونەوەی چاوەڕواننەکراوی بەرهەم و مامەڵەی نەوتی تەکساسی ئەمریکابو لە بازاڕەکانی جیهاندا.

هاوکات، نرخی نەوتی تەکساسیش 12 سەنت زیادیکرد و کە دەکاتە رێژەی لەسەدا 0.2 و گەیشتە $58.38  بۆ هەر بەرمیلێک.

لەسەرەتای ئەمساڵەوە هەریەکە لە رێکخراوی ئۆپێک و روسیا هەناردەی نەوتی خۆیان بۆ بازاڕەکانی جیهان کەمکردەوە و ئەوەش بوەهۆی بەرزبونەوەی نرخی بەرچاوی نەوت لەبازاڕەکاندا.

نیشانەکردن :

# نەوت

Copyright © 2016 Xendan.org all rights reserved

designed and developed by AVESTA GROUP