هەسەدە دواین زانیاری لەسەر هێرشەكانی باغۆز راگەیاند

- 3/11/2019 10:08:00 PM 3489 جار خوێندراوەتەوە

خه‌ندان -

لە بەیاننامەیەكدا هێزه‌كانى سورياى ديموكرات(هه‌سه‌ده‌) دواین هێرشەكانی بۆ سەر چەكدارانی رێكخراوی تیرۆریستی داعش لە باغۆز رايگه‌ياند، 
37 چەكداری داعش كوژراوە و دەست بەسەر چەندین چەك و تەقەمەنیدا گیراوە

 

بەپێی بەیاننامەكەی (هەسەدە) لە ماوەی چەند  كاتژمێرى رابردودا، شەڕی سەخت لە نێوان شەڕڤانان و چەكدارانی داعش لە باغۆز رویداوە و بەو هۆیەوە 37 چه‌كدارى داعش كوژراون، راشیگەیاندوە كە شەڕەكە بەردەوامی هەیە.

ئەوەشخراوەتەرو كە لەچەندین قۆڵەوە هێرشەكانیان بۆ سەر چەكدارانی داعش ئەنجامداوە و تاكو ئێستا ژمارەیەكی زۆر چەك و تەقەمەنی داعش دەستیبەسەرداگیراوە.

هێزەكانی سوریای دیموكرات لە بەیاننامەكەدا ئاماژەیان بەوەشكردوە كە لەشەڕی ئەمڕۆیاندا 5 شەڕڤان برینداربون، لە 3 ی ئەم مانگەشەوە لە شەڕەكانیان لە ناوچەی باغۆز تاكو ئەمڕۆ 4 هەزار چەكداری داعش خۆیان رادەستی (هەسەدە)كردوە

هێزه‌كانى هاوپه‌يمانى نێوده‌وڵه‌تى دژى داعش لە دوێنێوە لە باغۆز 10 هێرشی ئاسمانیان بۆ سەر بنكە و مۆڵگەكانی داعش ئەنجامداوە.


نیشانەکردن :

#شەڕڤانان #داعش

Copyright © 2016 Xendan.org all rights reserved

designed and developed by AVESTA GROUP