شەڕڤانان 13 منداڵی ئێزدی و تورکمانیان رزگارکرد

- 3/8/2019 11:27:00 AM 2656 جار خوێندراوەتەوە

خەندان-

شه‌ڕڤانانی هێزەکانی سوریای دیموکرات (هەسەدە) له‌ باغۆز 13 منداڵیان ڕزگار كرد، کە نۆ منداڵیان ئێزدین و ئه‌وانی دیكه‌ش توركمانی شیعه‌ی ناوچه‌ی ته‌له‌عفه‌ری موسڵن.

بەپێی ئاژانسی فورات نیوز، شه‌ڕڤانانی هەسەدە له‌ گوندی باغۆز-ی سه‌ر به‌ ناوچه‌ی هه‌جین-ی دێره‌زور دوێنێ پێنجشەممە 13 منداڵیان ڕزگار كرد كه‌ نۆ له‌و منداڵانه‌ ئێزدین و چوار منداڵیشیان توركمانی شیعه‌ی ته‌له‌عفه‌رن.

شه‌ڕڤانان منداڵه‌كانیان له‌ مه‌یدانی شه‌ڕ دوورخسته‌وه‌ و پێداویستییه‌كانیان بۆ دابین كردن، دواتریش پشكنینی پزیشكی و ناسنامه‌یان بۆ كردن و بڕیاره‌ منداڵه‌كان ڕاده‌ستی خانه‌واده‌كانیان بكرێنه‌وه‌.

هێزه‌كانی هەسەدە له‌ ماوه‌ی چوار ساڵی ڕابردوو له‌ ڕه‌ققە، ته‌بقا، منبج، حه‌سه‌كه‌ و دێره‌زۆر سه‌دان ژن و منداڵی ئێزدییان له‌ ده‌ستی چەکدارانی داعش ڕزگاركردووه‌ و ڕاده‌ستی خانه‌واده‌كانیان كردوونه‌ته‌وه‌، چه‌ند ڕۆژ پێش ئێستاش حەوت منداڵی ئێزدی له‌ باغۆز ڕزگار كرابون.

نیشانەکردن :

#شەڕڤانان

Copyright © 2016 Xendan.org all rights reserved

designed and developed by AVESTA GROUP