نهێنی بازنە رەشەکەی پشتی کورسیەکانی فڕۆکە چییە؟

- 3/3/2019 6:42:00 PM 22736 جار خوێندراوەتەوە


خەندان-
بە هۆی ئەو پانتاییە بچوكەی لە كورسیەكاندا هەیە لەناو ژمارەیەكی زۆر لە كەسانی بێگانە و نامۆدا، فڕۆكە یەكێكە لەو جێگایانەی بازنەی ئاسودەیی تاكەكەس تێیدا بەرتەسكە.

سەرەڕای ئەو جێگا سنوردارەی سەرنشینان لەناو فڕۆكەدا هەیانە، پێیانخۆشە بتوانن بێئەوەی چاوی كەسانی دیكە لەسەریانبێت كاتی خەوتن و خواردن و پشودانیان بەسەرببەن.

ڤیتالی كاملوك، كە لەبواری سۆفتوێرە خراپەكاندا توێژینەوە دەكات، هاوسەرەكەی لە گەشتێكیاندا لەناو یەكێك لە فڕۆكەكانی سەنگاپور لەژێر شاشەی تەلەفزیۆنی بەشی پشتەوەی كورسیەكانی بەردەمیاندا تێبینی سێنسەر(بزوێنەر)ێكیان كرد.
پێدەچێت ئەو كامێرایانە بە مەبەستی بە نهێنی چاودێریكردن و سیخوڕی بەسەر گەشتیاراندا دانرابێت

 

ژمارەیەك لە گەشتیاران و شارەزایانی بواری هێڵە ئاسمانیەكان نیگەرانن لەبارەی ئەو كامێرا بچوكانە لە بەشی پشتەوەی كورسی ناو فرۆكەكاندا دانراوە و دەڵێن پێدەچێت ئەو كامێرایانە بە مەبەستی بە نهێنی چاودێریكردن و سیخوڕی بەسەر گەشتیاراندا دانرابێت.

سەبارەت بەو بابەتە، تۆڕی هەواڵی سی ئێن ئێن-ی ئەمریكی پەیوەندی بە ژمارەیەك لە هێڵەكانی ئاسمانی و گەشتیاریەوە كرد و سەرجەم ئەو هێڵانەی پەیوەندیان پێوەكراوە رایانگەیاندوە، ئەو كامێرایانە چالاكنەكراون و لە پلانیشیاندا نیە چالاكیانبكەن، كۆمپانیاكانی هێڵی ئاسمانی سەنگاپور و بریتانیاش دەڵێن ئەو جێگەیە كامێرا نیە و سێنسەرێكی (بزوێنەر) تیشكی ئینفرارێد(تیشكی ژێر سور)ە.

شارەزایانی هێڵە ئاسمانیەكان پێشنیاردەكەن بە مەبەستی كەمكردنەوەی نیگەرانیەكانی سەرنشینانی فڕۆكەكان

 

بە پێی ژمارەیەك لە شارەزایان لەكاتی چالاككردنی ئەو كامێرایانەی كورسیەكانی ناو فڕۆكەكاندا، سەرنشینان دەتوانن لە ئاسانكردنی پەیوەندی ڤیدیۆیی لەنێوان خۆیاندا و چاودێریكردنی كابینەكان لە رەفتارە گوماناویەكان سودێكی باش ببینن.

سەرەڕای ئەوەش، لە ئەگەری هاككردنی ئەو كامێرایانە نیگەرانی هەیە و هەندێك لە شارەزایانی هێڵە ئاسمانیەكان پێشنیاردەكەن بە مەبەستی كەمكردنەوەی نیگەرانیەكانی سەرنشینانی فڕۆكەكان لەوبارەیەوە، لە لایەن كۆمپانیاكانی فڕۆكەوانیەوە روی ئەو كامێرایانە دابپۆشرێن.

 



Copyright © 2016 Xendan.org all rights reserved

designed and developed by AVESTA GROUP