دیمەنە ئەفسوناویەكانی ناوچە سەهۆڵبەندەکانی جیهان

- 3/1/2019 6:50:00 PM 7238 جار خوێندراوەتەوە

خەندان-شادان عەلی

لەكاتێكدا وەرزی سەرما رودەكاتە هەسارەی زەوی و پلەكانی گەرما بۆ ژێر سفر دادەبەزێت، زۆرینەی دانیشتوان لە وڵاتانی جیهان لە ماڵەكانیاندا كات بەسەردەبەن تا خۆیان لە سەرما بپارێزن، لەگەڵ ئەوەشدا وێنەگران لەگەڵ ژماریەك گەشتیار ساڵانە لە وەرزی زستاندا رو لە ساردترین ناوچەكان و سەهۆڵبەندانەكانی جیهاندەكەن و چێژ لەو دیمەنانە دەبینن.

تاڤگەی ئالدێیجارفۆس لە ئایسلەندا

تاڤگەكە لە زستاندا 20 مەتر بەرزە و بۆ ماوەی چەند هەفتەیەك ئاوی تاڤگەكە و ئەو دەریاچەیەی دەكەوێتە بەشی خوارەوەی تاڤگەكە دەیبەستێت.
ناوچەكە ژمارەیەكی دیكە تاڤگەی جوانی تێدایە، بەڵام تایبەتمەندی ئەم تاڤگەیە مێژوەكەیەتی كە دەگەڕێتەوە بۆ نزیكەی نۆ هەزار و 500 ساڵ پێش ئەوەی لافاوە ئاگرینەكان لەو ناوچەیە روبدات.

 

تاڤگەی زستانەی پاركی وێڵسگرەی لە كەنەدا

  پاركی وێڵسگرەی دەكەوێـتە نێوان ڤانكوڤەر و كەنەدا، پانتاییەكەی 1.3 ملیۆن دۆنمە و 41 تاڤگەی جیاوازی تێدایە و هەریەكەیان ناوی خۆیان هەیە، بەهۆیەوە پاركەكە ناونراوە (پاركی تاڤگەی كەندا)، هەندێك لە تاڤگەكان لە وەرزی زستاندا بە تەواوی دەبنە سەهۆڵ. 

 

نافورەی لۆوێڵ لە نیویۆرك

سەرەڕای ئەوەی نافورەكان لە وەرزی زستاندا دادەخرێن، بەڵام بەڕێوەبەری گشتی پاركی بریانت، لە ساڵی 2002 ەوە بڕیاریداوە نافورەی لۆوێڵ دانەخات و بە بەردەوامی ئاوی لەسەربێت، ئەوەش وایكردوە لە كاتی نزمبونەوەی پلەكانی گەرمادا ئەو ئاوەی لە نافورەكەوە دێت بیبەستێت و دیمەنێكی سەرنجڕاكێش پیشانبدات.

 

بەردەكانی كەنار دەریای نیشتیمانی میشیگان
كاتێك لە وەرزی سەرمادا ئاوی دەریاكە بەرد و خۆڵی كەنار دەریای نیشتیمانی میشیگان دادەپۆشێت و لە بەشی سەرەوەی تاشە بەرد و ئەشكەوتەكانی نزیك كەناردەریاكەش بە ئاو دادەپۆشرێن، بەهۆی سەرماوە ئاوەكە دەیبەستێت و دیمەنێكی دڵگیر دەبەخشێتە ناوچەكە.

 

فەنەرەكانی كەناردەریای میشیگان
بێجگە لەو سەهۆڵبەندانەی ئاوی دەریاكانی میشیگان دروستیدەكەن، ئەو رەشەبایەی لە ئاڕاستەی دەریاكانەوە بەرەو فەنەری روناكی كەناردەریاكە دێت، ئاوی دەریاكە لەگەڵ خۆی بەرەو فەنەرەكان هەڵدەگرێت و بەهۆی ئەوەی پلەی گەرمی ئاوەكە لە پلەی گەرمی پایەی فەنەرەكان بەرزترە، راستەخۆ ئاوەكە دەیبەستێت و دیمەنی فەنەرەكان تایبەتدەكات.

 

تاڤگەكانی نیاگارا لە كەنەدا
رۆژانە لە ماوەی یەك خولەكدا زیاتر لە 170 ملیۆن لیتر ئاو لە تاڤگەكانی نیاگارا دەڕژێتە خوارەوە، بەهۆی ئەو ئاوە زۆرە و ئەو كەشە ساردەی لە ناوچەكەدا هەیە، تەواوی درەخت و بەردەكانی ناوچەكە بە سەهۆڵ دادەپۆشرێن.
 

 

نافورەكانی پاریس
پلەكانی گەرما لە وەرزی زستاندا لە پاریس بۆ ژێر 35 پلەی سیلیزی دادەبەزێت و تەواوی شارەكە بە بەفر دادەپۆشێت، بەو هۆیەوە دیمەنی نافورەكانی شارەكەش سەرنجڕاكێش دەبێت.

 

تاڤگەی ناوچەی میمیشوی لە پینگشان، چین
ناوچەی میمیشوی یەكێكە لە ناوچە ژینگەییە گەشتیاریەكانی جیهان لە چین كە زیاتر لە 500 جۆری جیاواز روەكی تێدایە.
ئاوە رونەكانی تاڤگەكانی ئەو ناوچەیە لە وەرزی هاویندا دەڕژێنە ناو ژینگە دڵگیرەكەیەوە و لە وەرزی سەرمادا هاوشێوەی پەردە ناوچەكە دادەپۆشن و زیاتر لە دیوارێكی پیرۆزەیی و سپی دەچن.

 

تاڤگەكانی پانزەر لە پاركی نیشتیمانی بانف لە كەنەدا
پاركی بانف بە ناوچە بەرز و نزمیەكانی ناسراوە كە بە پاودەری بەفر داپۆشراون، شوێنێكی گونجاوە بۆ خلیسكێنەی سەربەفر، بەڵام دیمەنی ئاوی تاڤگەكان كە لە بەرزاییەكانەوە بەرەو خوارەوە سەهۆڵبەندانیان دروستكردوە زیاتر سەرنجی گەشتیاران رادەكێشێت. 


نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP